सध्या काय वाचताय? (भाग ४)

सागर,
अ‍ॅडॉल्फ हिटलरचे 'माईन काम्फ' हे मूळ पुस्तक www.bookganga.com ह्या साईटवर मोफत उपलब्ध आहे. मी ते उतरवूनही घेतले आहे. पण इतर काही कामांमध्ये इतकी बुडाले आहे की सध्या ते वाचणे अशक्य! मराठीत श्री.ढ. ह्यांनी अनुवाद केलेल्या ह्या पुस्तकाचे प्रकाशन कोणाचे आहे?
`पुवि'वर वेगवेगळ्या पुस्तकांची माहिती मिळते आहे. ज्यांच्या वाटेला जाण्याचे माझ्या मनातही कधी आले नव्हते असे विषय समजताहेत आणि चक्क मला त्याविषयी वाचण्यात रस निर्माण झाला आहे. उदा. इतिहास, नाझी, युध्द, सुशि, इ. द ड्वार्फ सारखी इंग्रजी पुस्तकेदेखील इंटरेस्टिंग वाटताहेत.
प्रत्यक्ष वाचन कधी सुरू करू शकेन ते माहिती नाही. पण `वाचावयाच्या' यादीत भर पडत आहे. त्यामुळे `पुवि'वर आल्याचा आनंद आहे.

अजून 'पर्वा'तच डुंबतोय.

वल्ली,
माझं नाव भैरप्पा... हे आत्मचरित्र तुम्ही वाचलं आहेत का? चारेक वर्षांपूर्वी मी ते वाचलं होतं आणि मला ते आवडलं होतं. पुन्हा एकदा ते वाचणार आहे.
त्यात त्यांच्या कादंबरी-लेखनाविषयी सविस्तर लिहिले आहे. परंतु मी अजून त्यात शिरलेली नाही.

आजकाल वाचन होत नाही त्यामुळे......

स्मोक अँड मिरर्स - नेल गेमन

या लेखकाबद्दल बरेच ऐकले/वाचले होते पण अजून वाचायचा योग आला नव्हता. अमेरिकन गॉड्स ही त्याची एक गाजलेली कादंबरी. कथाप्रकार सरीयल फँटसीच्या दिशेने जातो असे वाटते. वाचकाला चटकन गुंतवून ठेवण्याचे लेखकाच कसब विलक्षण आहे.

सध्या इरावती कर्वेंचे 'युगान्त' वाचतोय.

माझा साक्षात्कारी हृदयरोग संपवले. अफाट आवडले.
विस्मृतीचित्रे वाचायला सुरुवात केली आहे.
चकवाचांदण अर्धवट झालंय, ते पूर्ण करायचं आहे.

शांता गोखलेंचं त्या वर्षी... संपवलं!!!!! आता गंगाधर गाडगिळांचा कथासंग्रह सुरु करेन!!

प्रकाटाआ!!!

आता येत्या शुक्रवारपासून जरा जरा वेळ मिळेल असं वाटतंय
मोर्चा पुन्हा इंग्रजी पुस्तकांकडे वळवला आहे. एका वेळी ३ पुस्तकांमधे डोकं घातलं आहे:

१. Empire लेखक निआ'ल फर्ग्युसन: पुस्तकाचं पूर्ण नाव आहे: 'Empire: How Britain Made The Modern World'"सुरवात फारच सुंदर आहे. आपल्यावर असणारा ब्रिटीश अंमल हा आपल्यासाठी पारतंत्र्य असल्याने जरी झुगारणे आवश्यक असला तरी ब्रिटीश अंमल किंवा हे जगाच्या प्रगतीच्या दृष्टीने 'Empire' वाईट होतं का? एका ब्रिटीश माणसाच्या भुमिकेतून / दृष्टीकोनातून हा विषय पुढे नेणारं पुस्तकं.. एक अगदी वेगळा दृष्टीकोन वाचायला मिळतोय. (अर्थात प्रो-एम्पायर' असले व ब्रितीश माणसाने लिहिल्यामुळे येणारे स्वाभाविक (कधीकधी जरा जास्त) ब्रिटन प्रेम जरा नजरे आड केले तर फार रोचक माहिती हाती लागते आहे)

२. The lost Symbol - Dan Brown: बरेच दिवस पेंडींग होतं. आता वाचतोय

३. Complete works of Swami vivekananda - Volume IX: विवेकानंदानी लिहिलेल्या पत्रांचे/ लेखनाचे संगरह आहेत. याआधीचे सारे भाग वाचले आहेत असं नाही (म्हणजे नाहीच वाचलेत :) ) पण या मालिकेतील कोणतत्याही पुस्तकातील कोणतेही संभाषण / लेखन वाचले की काहितरी नवे हाती लागते..

सध्या अनिल कुसुरकर ह्यांनी अनुवाद केलेल्या रिल्केच्या दहा पत्रांचे वाचन सुरू आहे. ग्रंथालीचं हे पुस्तक पाचेक वर्षांपूर्वी घेऊन ठेवलं होतं. ते वाचण्याची इच्छा मात्र आता झाली.
`जे होतं ते चांगल्यासाठीच!' कारण गेल्या पाच वर्षांत वेगवेगळ्या पुस्तकांचे वाचन झाल्यानंतर `हे' पुस्तक वाचायला जास्त छान वाटतंय!
नुकतीच इतरही काही पुस्तकांची माहिती कळली आणि ती लगेच मिळालीदेखील....
१. व्हिन्सेण्ट व्हॅन गॉच्या आठवणी - अनुवाद: अनिल कुसुरकर
२. चिं. त्र्यं. खानोलकर - ललित चरित्र - दीपक घारे
(दोन्ही पुस्तके ग्रंथाली प्रकाशन)
कलावंत कसा असतो / असावा ह्याविषयी रिल्केचे विचार समजून घेताना व्हिन्सेण्ट व्हॅन गॉ आणि चिं. त्र्यं. खानोलकर ह्या मनस्वी कलावंतांविषयी वाचायला मिळणं ह्यासारखं दुसरं भाग्य नाही.........

स्मोक अँड मिरर्स संपले. आता च्वाइस आहे.
१. काइट रनर - खालिद हुसेनी
२. बॅरिस्टरचं कार्ट - डॉ. हिम्मतराव बावस्कर

याखेरीज थोरोचे वाल्डेन अनपेक्षितपणे मिळाले. त्याचे रोज एक पान वाचायचा विचार आहे. प्रत्येक ओळ विचार करण्यासारखी असेल तर रोज एक पान पुरेसे व्हायला हरकत नसावी. :)

आज बर्‍याच दिवसांनी ईकडे यायला वेळ मिळाला..
वाचन जोरदार चालु आहे सगळ्यांचेच...
सध्या तरी वाचनाला ब्रेकच आहे.

विस्मृतीचित्रे वाचून स्तिमित वगैरे काय म्हणतात, तसे झाले! अरुणा ढेरेंनी अत्यंत आत्मियतेने लिहिलेले पुस्तक आहे. आता ज्ञानदेवांचा आत्मसंवाद हे वि रा करंदीकरांचे अमृतानुभवावरील पुस्तक वाचत आहे.

यशोधरा,
अरे व्वा! विंदा करंदीकरांचे अमृतानुभव माझ्याकडे आहे. त्यातील ‘अहो ज्ञानदेवा....’ हे विंदांचे मनोगत मला खूऽऽऽप आवडले.
शिवाय जोगमहाराजांचे देखील अमृतानुभव आहे. पण ते वाचायला अजून सुरुवात केलेली नाही. ती करण्यापूर्वी तू सध्या वाचते आहेस ते ज्ञानदेवांचा आत्मसंवाद हे वि रा करंदीकरांचे अमृतानुभवावरील पुस्तक..... हे वाचावे का? तू काय सुचवशील?

यशोधरा,
प्रत्येक पुस्तक ही स्वतंत्र कलाकृती असते हे खरे आहे. पण ज्ञानेश्वरांचे साहित्य वाचण्यापूर्वी पूर्वतयारी करावी लागते. आणि त्याकरता ज्ञानदेवांचा आत्मसंवाद हे वि रा करंदीकरांचे अमृतानुभवावरील पुस्तक उपयुक्त ठरेल असे मला वाटते.
त्याअर्थी तू काय सुचवशील असे मी विचारले, बस्स!