अनाकारविल्हे

अनाकारविल्हे “असंही असेल की मी कबुलीजबाब देत असायचो. जरा वेगळ्या प्रकारचा कबुलीजबाब : जे खरं असत असे ते मी खरेपणाने सांगत असे. मी खरोखर मित्राकडे जात असे आणि मी म्हणत असे, “मित्राकडे जातोय.” मी खरोखर राममंदिराकडे जात असे आणि म्हणत असे, “राममंदिराकडे चाललोय.” मी गृहपाठाची वही आणायला जात असे आणि तेच सांगत असे. माझ्या कृतीत आणि म्हणण्यात फक्त दुहेरी अवतरणचिन्हांचा फरक राहत असे. माझ्या चालण्याचं, येण्याजाण्याचं, काही करण्याचं वर्णन मी इतक्या साध्या, इतक्या नेहमीच्या, इतक्या सर्वजन पद्धतीने करत असे क