चल गं सये वारुळाला

चल गं सये वारुळाला संहिता राजन चा हा पहिला कथासंग्रह आहे. त्यातील वातावरणात मुख्यतः तीन घटक आपल्याला दिसतात. खानदानी मराठा कुटुंबातील स्त्रियांच्या जगण्यातील काळोख आणि घुसमट, माहिती - तंत्रज्ञान क्षेत्रात काम करणारे तरुण - आणि प्राधान्याने तरुणींचे घोळके, आधुनिक शहरी जगातले मॉल्स व आनुषंगिक सांस्कृतिक दुनिया हे तिन्ही घटक संहिता च्या जगण्याचा अविभाज्य भाग आहेत. त्यामुळे त्या त्या वातावरणातील भाषा अगदी अस्सलपणे इथे आलेली आहे. जवळपास सारीकडे केंद्रस्थानी एक तरुण मुलगी आहे. कथा तिच्या भोवती फिरते.