सिल्व्हर नीड्‌ल

सिल्व्हर नीड्ल एस.यू.व्ही. मर्सिडीज बाहेर पार्क करून संजय हिरासकर डोंबिवलीच्या स्मशानात गेले. परिचिताचा अंत्यविधी आटोपला. स्वच्छतागृहात जाऊ लागले; पण आतल्या आवाजाने पावलं थबकली. “काही वर्षांपूर्वी आमच्या पायांशी झुकत होता, पॅन्टीची मापं घ्यायला. त्याने आता मर्सिडीजमधून फिरावं? काही काळे धंदे केल्याशिवाय का पांढरी मर्सिडीज घेता आलीय?” हिरासकर तसेच माघारी फिरले. वयाच्या अकराव्या वर्षी त्यांनी शिवणकामाला सुरुवात केली होती. साठी ओलांडण्यापूर्वी पर्यटनस्थळी स्वत:चं आलिशान हॉटेल सुरू केलं. मधल्या वर्ष