प्रतिभावंतांची मांदियाळी

‘एकोऽहम् बहुस्याम् प्रजायेय।’ ‘मी एक आहे, मी माझ्यासारखे अनेक निर्माण करेन.’ ही होती प्रा. पंढरीनाथ मांडवगणे सरांची अध्यापननिष्ठा. त्यांच्या असंख्य विद्यार्थ्यांच्या मनात त्यांच्याविषयीच्या कृतज्ञ जिव्हाळ्याचा एक हळवा कोपरा कायम जिवंत आहे. संवेदनशील शिक्षक, कर्तव्यकठोर संस्थाचालक, विविध कार्यक्रमांचे आयोजक, रसिक वाचक, व्यासंगी विधिज्ञ असे बहुविध पैलू असलेले चतुरस्त्र व्यक्तिमत्त्वाचे मांडवगणे सर अकोला शहराच्या जनजीवनाशी पूर्णपणे समरस झाले होते. अकोल्याचे कलात्मक, साहित्यिक, सांस्कृतिक पर्यावरण त