फिट फॉर ५०± फॉर विमेन

पन्नाशीनंतरची तंदुरुस्ती, या पुस्तकात मध्यमवयाकडे झुकत असलेल्या स्त्रीयांसाठी फार साध्या आणि सोप्या भाषेत तंदुरुस्तीच्या व्यायामांची आखणी सादर केलेली आहे. पन्नाशीकडे झुकलेल्या स्त्रिया नेहमीच आपल्या स्वास्थ्याविषयी, कमी होत चाललेल्या लवचीकपणाविषयी फारच काळजी करताना आढळतात. याशिवाय व्यायामाच्या अभावामुळे ऑास्टओपोरॉसिसचा (हाडं ठिसूळ होण्याचा), दुस-या क्रमांकाचा मधुमेह, कर्करोग आणि हृदयविकार यांचा त्रास होण्याची शक्यता डोक्यावर सतत टांगत्या तलवारीसारखी असतेच. या पुस्तकात दिलेले व्यायामाचे प्रकार हे मध्यमवयीन स्रियांना डोळ्यांसमोर ठेवूनच आखलेले आहेत. यामध्ये एरोबिक्स, वजन उचलण्याचे व्यायाम, बळकटी वाढविण्याचे व्यायाम आणि कटिभागाला मजबुती देणारे व्यायामाचे प्रकार दिलेले आहेत. हा व्यायामाचा वास्तव, चपखल आणि संतुलित आराखडा आहे.