पॉपकॉर्न

हिंदी सिनेमाचं आणि आपलं अगदी खास नातं आहे. अगदी कळायला लागल्यापासून आपण हे अनोखं विश्व पाहत आलो आहोत. या विश्वाचे स्वत:चे असे नियम, कायदे, तत्त्वं, मूल्यं, चमत्कार असतात... ‘एक्स्ल्यूजिव्ह!’ भले पाहणाऱ्याला पटो न पटो, हे विश्व स्वत:त मशगूल असतं आणि आपणही हे सगळं अगदी मन लावून, तन्मयतेनं, भक्तिभावानं... चक्क बधिरावस्थेत जाऊन पाहत आलोय, पाहतोय आणि पाहत राहू... नो डाऊट! याच दुनियेवरच्या मिश्किलीचे हे खमंग खुसखुशीत पॉपकॉर्न!