सुखद मातृत्व

प्रत्येक स्त्रीला आई होण्याची आंतरिक इच्छा असतेच. वैवाहिक जीवनातील सुरुवातीची सप्तरंगांची उधळण संपते आणि आकाशी अनुभवांतून जमिनीवरील सांसारिक जीवनाचा आरंभ होतो. लग्नानंतरची कुणाही स्त्रीची मुख्य ओढ असते, ती ‘मी आई केव्हा होणार?’ याची! एकदा आई व्हायचं निश्चित झालं, की त्याचा सर्वांगीण विचार व्हायला हवा. मानसिक आणि शारीरिक दृष्टिकोनांतून असा सर्वांगीण विचार कसा करायचा, हे डॉ. रत्नावली दातार यांनी तपशिलानं सांगितलं आहे. प्रत्येक नवविवाहित स्त्रीनं वाचलंच पाहिजे, असं हे पुस्तक ‘सुखद मातृत्व’. ‘आईपण मौजमजेत जगा; सुस्वभावी, सुज्ञ आणि सुदृढ आई व्हा’ हा संदेश देणारं एक महत्त्वाचं पुस्तक.