अरिष्ट अंगारक

अरिष्ट अंगारक 'आम्ही तिरडीवरून उठून आलेल्या एखाद्या प्रेतासारखे दिसतो.. त्याचा आवाज घोगरा. गुदमरल्यासारखा येत होता. आणि हे चमत्कारिक शब्द उच्चारण्यापुरतं उघडलेलं तोंड त्याने लगोलग एखाद्या सापळ्यासारखं घट्ट मिटून घेतलं. त्या शब्दांनी प्रकाशाला जबरदस्त धक्का बसला. त्याच्या अगदी मनातला विचार या माणसाने बोलून दाखविला होता! त्याच्या डोळ्यांनी काही भास होत नव्हता ना ? कानावर आलेले शब्द खरे होते का ? 'डोळ्यांसमोर दिसणारा मरतुकडा माणूस खरा आहे. तुझ्या कानांना काही भास झालेला नाही.' आम्ही तुझ्या मनातले व