भाषा

भाषा "माझ्या लेखनाला वास्तवाचा भरभक्कम आधार आहे," असे विधान गाब्रिएल गार्सिया मार्केस ह्या श्रेष्ठ कादंबरीकाराने केलेले आहे. अर्थातच हा भरभक्कम आधार घेऊन मार्केसने मॅजिक रिअॅलिझमचे गारूड करून कथात्म लेखनप्रकारावर आपला अमीट ठसा उमटवला. पंकज कुरुलकर यांच्या कथा वाचताना वास्तवाच्या ह्या भरभक्कम आधाराची जाणीव ओळीओळींतून होतेच, परंतु त्या पायावर कुरुलकर आपले जे कथाशिल्प साकार करतात, ते वाचकांना स्तिमित करणारे आणि शेवटापर्यंत खेचत नेणारे असते, ह्याचाही प्रत्यय येतो. बहुप्रसवता हा कदाचित एखाद्या लेखकाच