आपुला ठावो न सांडिता

आपुला ठावो न सांडिता सुरेंद्र दरेकरांच्या कथा पुनर्वाचनात अधिक आनंद देतात, पण ती काही या कथा वाचायची पूर्वअट नव्हे. दोन स्तरांवर दरेकरांची कथा वाचकाला समृद्ध करते असा याचा अर्थ. पृष्ठभागावर अतिशय संयत आणि प्रगल्भ हाताळणीने ते मानवी नात्यांचे अन्वयार्थ शोधत अनाग्रही शैलीत वाचकाला अंतर्मुख करतात तर पुनर्वाचनात कथेचे खोल तत्त्वज्ञानात्मक अंतःस्तर उलगडतात आणि मौलिक, तात्त्विक आशयाने वाचक स्तिमित होतो. 'आपुला ठावो न सांडिता'चे सुप्तकेंद्र असलेली मिशेल तसेच 'अवचिता परिमळू'मधली मंजू काय किंवा 'विकल्पाच