गावगाड्यातील गणगोत

गावगाड्यातील गणगोत व्यक्तिरेखा शब्दातून साकार करण्याची कला वाटते तितकी सोपी नसते. त्या व्यक्तीशी नातं जुळवून घ्यावं लागतं; समरस व्हावं लागतं. तिला आपलंसं करावं लागतं. त्या जीव लावण्यातूनच ती व्यक्ती आपल्या जवळ येते, आपलीच होऊन जाते. हा असा आपलेपणा या लेखनातून अनुभवता येतो. ग्रामजीवनात वावरणाऱ्या माणसांचं जगणं, त्या जगण्यातल्या तन्हा, तन्हेवाईकपणाचे नमुने, नमुन्यांच्या नोंदी, नोंदीतले तपशील अस्सल आहेत. त्यांची भाषाही अनुरूप, साजेशी आहे. हे सगळं जगण्यातून आलेलं आहे. लेखकाच्या जगण्याचा दुवा त्याच्य