माडिया पिल्लो

डॉ. यादवराव गावळे यांच्या ‘माडिया पिल्लो’ या कवितासंग्रहात आदिवासी मनाचा सुंदर आविष्कार प्रकट झाला आहे. झाडीपट्टीतील चंद्रपूर-गडचिरोलीच्या जंगलवनातील आदिम सुख-दु:खाचे सूर तिथल्या निसर्गातील प्रतिमा घेऊन या कवितेतून उमटले आहेत. झाडीबोलीचा गोडवा घेऊन आलेल्या या कवितेत मातेच्या ओवीची लय आणि झाडीपट्टीतील मातीचा गंध भरला आहे. जल-जंगल-जमीन आणि माडिया गोंडी संस्कृतीच्या अस्सल अनुभूतींचे दर्शन या कवितांमधून घडते.