Sarth Shreeshivgita

मानवी जीवन म्हणजे सतत चालणारा एक शोध आहे. सत्याचा, आत्म्याचा आणि परमेश्वराच्या अस्तित्वाचा. 'आपण कोण आहोत', 'या जीवनाचा हेतू काय' आणि 'या विश्वाचे अधिष्ठान कोणते' हे प्रश्न प्राचीन काळापासून माणसाच्या चिंतनाचे केंद्रबिंदू राहिले आहेत. याच प्रश्नांच्या उत्तरांचा शोध घेणाऱ्या अध्यात्मिक ग्रंथांमध्ये 'श्रीशिवगीता' हा एक विलक्षण ग्रंथ आहे. हा ग्रंथ केवळ भक्तिचा किंवा तत्त्वज्ञानाचा ग्रंथ नाही; तर तो आत्मसाक्षात्काराच्या दिशेने नेणारा ज्ञानदीप आहे. 'श्रीशिवगीता' हा भागवत परंपरेतील एक अद्भुत संवादग्रंथ आहे. भगवान श्रीराम आणि भगवान शंकर यांचा संवाद यात मांडलेला आहे. परंतु हा संवाद केवळ देवांमध्ये घडलेला एक पौराणिक प्रसंग नसून, तो प्रत्येक साधकाच्या अंतर्मनातील संवादाचे प्रतिक आहे. जेव्हा आत्मा आपल्या मर्यादांना ओलांडून परमसत्त्याचा शोध घेतो, तेव्हा त्याला जो ज्ञानप्रकाश दिसतो, त्याचे स्वरूपच ही 'शिवगीता' आहे.