आय हॅव अ ड्रीम

रश्मी बन्सल यांच्या उद्योजकतेवरील लोकप्रिय पुस्तकांमधील एक म्हणजे, ‘आय हॅव अ ड्रीम’. सामाजिक उद्योजकतेला वाहिलेल्या वीस उद्योजकांची यशोगाथा यात समाविष्ट आहे. हे वीस जण विभिन्न कार्यक्षेत्रात कार्यरत असले तरी त्यांचे समाज कल्याणाचे उद्दिष्ट समान आहे. रेनमेकर्स, चेंजमेकर्स आणि स्पिरिच्युअल कॅपिटॅलिस्ट अशा तीन भागात विभागलेल्या या पुस्तकात सुलभ चळवळीचे सर्वेसर्वा बिंदेश्वर पाठक यांच्यापासून सेल्कोचे हरिष हांडे, विज्ञाननिष्ठ समाजसेवक माधव चव्हाण, माहिती हक्क चळवळीला पाठबळ देणारे दिल्लीचे मुख्यमंत्री अरविंद केजरीवाल अशा अनेक प्रेरणादायी व्यक्तिमत्त्वांची यशोगाथा अनुभवायला मिळते.