कुंभारवाडी

कादंबरीच्या शीर्षकावरूनच लक्षात येत की, ही कुंभारांच्या जीवनावरची कादंबरी आहे. गावाच्या माळावरच्या आंब्याच्या प्रचंड वृक्षाच्या सावलीत, त्याच्या आधाराने वसलेली कुंभारांची आठ-नऊ छपरांची लहानशी 'कुंभारवाडी'. आपल्या पिढीजात मातीकामाच्या व्यवसायात रमलेली. अगदी दिवल्या- पणत्यांपासून गाडगी, मडकी, हंडे- रांजण पेटणारी, सणावाराला मातीचे बैल, गणपतीच्या मूर्ती घडवणारी ही कलावंत जमात.शिक्षणाची आस धरून शहरात जाणारा एखादाच सदानंद सोडला तर गावाची वेशी न ओलांडलेले हे कुंभार रूढी-परंपरा यांना सोडायला तयार नाहीत. काळाबरोबर येणारे बदल स्वीकारायला धजावत नाहीत. बदलत्या काळाबरोबर उदध्वस्त होत गेलेल्या कुंभारवाडीच चित्रण या कादंबरीत वाचायला मिळत.