सर आणि मी

सर आणि मी' - ज्योत्स्ना कदम
जेजे कलामहाविद्यालयाचे माजी डीन - चित्रकार संभाजी कदम आणि त्यांची शिष्या-सखी-पत्नी ज्योत्स्ना कदम यांच्यात २५ वर्षांचं अंतर. दोघांची जात तर निराळीच. लग्न करतेवेळी नवर्‍यानं तात्विक मुद्द्यावरून स्वीकारलेली सेवानिवृत्ती. भिवया तरी कशाकशावर उंचावायच्या? अशा परिस्थितीत या दोन वेड्या माणसांनी आपला अनोखा संसार उभा केला आणि परस्परांवरचं प्रेम-कलानिष्ठा अशा आजच्या जगातून कालबाह्य झालेल्या गोष्टींच्या बळावर सुखाने भोगला, त्याची ही गोष्ट. कदम गेल्यावर ज्योत्स्नाबाईंनी लिहिलेली.