एवढ्यात तुम्ही कोणती पुस्तके विकत घेतली आहेत? भाग - ३

अगदी नुकतीच घेतलेली पुस्तके म्हणजे
आवरण - एस. एल. भैरप्पा - अनु. उमा कुलकर्णी
सीविच - अ‍ॅलिस्टर मॅक्लीन - अनु. अशोक पाध्ये
धनंजय - रौप्यमहोत्स्वी दिवाळी अंक.

इमारत - फिरोझ रानडे
शुभ्र काही जीवघेणे - अंबरीश मिश्र
रीटा वेलिणकर - शांता गोखले
भाषा आणि संस्कृती - ना. गो. कालेलकर
वाचणार्‍याची रोजनिशी - सतीश काळसेकर
चाऊस मराठी इंग्रजी डिक्शनरी (उत्तम डिक्शनरी आहे. अद्ययावत आणि मराठी वापरकर्त्यांचा विचार करून बनवलेली. नाव आणि प्रसिद्धीमुळे बिचकला असाल, तर बिचकू नका.)

ठाण्यात सरस्वती सेकंडरी स्कूलच्या मैदानात अक्षरधाराचे प्रदर्शन आहे. तिथूनच घेतली.
एकावर एक फुकट, भरघोस सवलत. सगळे छान आहे. पण एक वाईट म्हणजे कार्ड घेत नाहीत. :(

पाडस
अकरा कोटी गॅलन पाणी
डोंगर म्हातारा झाला
हेडहंटर

आणि अजून एक आहे ज्यामधाल उतारा मी वेळ मिळताच टाकेन तेव्हा त्याचं नाव देत नाही :) :P

श्री.सागर यांच्या यादीतील
- बनगरवाडी, रथचक्र, रणांगण, अ बेन्ड इन द गँजेस, रावण अ‍ॅन्ड एडी ही सर्व पुस्तके माझ्याकडे जरी असली तरी आता 'रथचक्र' आणि 'रणांगण' खूपच जीर्ण झाले असल्याने ते कपाटातून [वाळवीच्या भीतीने] काढून टाकणे गरजेचे आहे. टाकीनही....पण परत नव्याने ही दोन्ही पुस्तके घ्यावीत का असा संदेह निर्माण झाला आहे....जोपर्यंत ती अवस्था आहे, तो पर्यंत दोन्ही असू द्यावी असेही मन सांगत आहे.

२. मेघना यांच्या यादीतील ~ चाऊस मराठी इंग्रजी डिक्शनरी ~ खरंच सुंदर आणि मोहोरेदार छपाई असलेली संग्राह्य डिक्शनरी आहे यात दुमत नाही. खूप सवलतीत देतात असे म्हणतात....माझ्याकडे आहेच पण ती प्रेझेंट मिळाली असल्याने किंमतीबाबत चौकशी करण्याच्या प्रश्न आलाच नाही.

"भाषा आणि संस्कृती - ना. गो. कालेलकर" ~~
या निमित्ताने एके ठिकाणी झालेल्या वाचनाचा संदर्भ आठवत आहे. महाराष्ट्र राज्य साहित्य व संस्कृती मंडळाने बृहद् मराठी शब्दकोशाचा एक प्रकल्प डॉ.कालेलकरांच्या अध्यक्षतेखाली स्थापला होता.... तो शब्दकोश अस्तित्वात आला का? याची काही माहिती असल्यास मेघना यानी इथेच द्यावी अशी विनंती आहे. मला त्याबाबतची प्रगती कुठे आढळली नाही. साहित्य व संस्कृती मंडळ तर इतके उदासिन आहे की, चौकशी पत्राला साधी पोचदेखील देत नाहीत.....[असो ते अवांतर आहे.]

इन्द्रा

१. मोरू आणि मैना - चि. वि. जोशी
२. हास्य चिंतामणी - चि. वि. जोशी
३. चिमणरावांचे चर्‍हाट - चि. वि. जोशी
४. सत्तांतर - व्यंकटेश माडगूळकर (साहित्य अकादमी पारितोषिक विजेती कादंबरी) नाही मिळाले :(

१. असह्य - सुहास शिरवळकर
२. निमित्तमात्र - सुहास शिरवळकर
३. आक्रोश - सुहास शिरवळकर
४. एका तेलियाने - गिरीश कुबेर
५. कान्होजी आंग्रे - मूळ इंग्रजी लेखक मनोहर माळगांवकर , मराठी अनुवादः पु.ल. देशपांडे
६. माचीवरला बुधा - गोनीदां
७. वाघरु त्या तिथे रुखातळी - गोनीदां
८. क्रौंचकाव्य - सुरेशचंद्र वारघडे

लिओनार्दो दा विन्सी- दीपक घारे
पिवळ्या धम्मक छत्रीतली मुलगी- मुळ लेखक उदय प्रकाश, अनुवाद- गणेश विस्पुते
तुम्हे याद होगा- (हिंदी चित्रपटाचा इतिहास १९३१ ते २००८)- अशोक उजळंबकर

एकूणात पब्लीकची जोरदार पुस्तक खरेदी चालू आहे. :)
माझी अजून दिवाळीत घेतलेली वाचून व्हायची आहेत. :(

'निरगाठी' आणि 'चंद्रिके ग, सारिके ग' -- गौरी देशपांडे
साद देती हिमशिखरे --- जी. के. प्रधान ( अनुवाद डॉ. रामचंद्र जोशी )
परमहंस योगानंदांचं अ‍ॅन ऑटोबायोग्राफी ऑफ अ योगी

एक मित्राकडून आलेलं बारोमास ही आहे सदानंद देशमुखांचं

मिळवतीची पोतडी -संपादित विद्या बाळ/ मेधा राजहंस
कारागृहाच्या भिंती, शंख आणि शिंपले, सीतेचे पोहे - ना ग गोरे
आतला आनंद, नक्षत्रचित्रे - शांता शेळके

>>'कोण्या एकाची साधनगाथा>>> छान आहे हे पुस्तक.

ग्रेस मेटॅलियसचं 'पेटन प्लेस' हे पुस्तक घेतलं. हे नाव जीएंच्या एका कथेत (ओळखा पाहू) वाचलं होतं, तेव्हापासून डोक्यात होतं. दुसरं म्हणजे हॉवर्ड झिनचं 'अ पीपल्स हिस्टरी ऑफ युनायटेड स्टेट्स'. 'इंडिया आफ्टर गांधी' या तुलनेत कसं वाटतं हाही एक किडा डोक्यात आहेच. मराठीत दिवाळी अंक पोस्टाने यायची वाट पाहतोय.

नंदन....जमल्यास 'पेटन प्लेस' हा चित्रपटदेखील जरूर पाहा. खूप जुना आहे [मला वाटते ५६-५७ चा असेल], पण आम्हास येथील स्थानिक थिएटर क्लब युनिटमार्फत 'गोल्डन डेज ऑफ हॉलिवूड' अशा एका आठवड्याच्या कार्यक्रमात पाहायला मिळाला होता (आता, त्यातील दुसरे दोन आठवणारे १. कॅसाब्लांका व २. ऑल अबाऊट ईव्ह). तो पाहूनच ग्रेसची कादंबरी वाचावी वाटली. त्या काळात (१९५६) एका स्त्री लेखिकेने तसा धाडसाचाच विषय निवडला होता यात संदेह नाही. (त्यातील 'सेलेना' या पात्राचे नाव मला जितके आवडते तितके तिचे चित्रीकरणही....अगदी ट्रॉयच्या 'हेलेन' सारखेच)

जी.एं.नी 'माणूस नावाचा बेटा' मध्ये उल्लेख केला आहे या कादंबरीचा.....["चौकात तो नेहमी जेथे पुस्तके घेत असे तो बुकस्टॉल होता. सहज जाता जाता त्याने शोकेसमध्ये 'पेटन प्लेस' हे पुस्तक आहे की नाही पाहिले. होय, ते अद्याप तिथे होतेच. ते त्याला फार दिवसांपासून विकत घ्यायचे होते....." इ. इ.]

इन्द्रा

"....जेव्हा तो फादर कोर्टात त्यामुलीच्या बाजुने साक्ष देतो!! दुर्दैवाने मला तो संपुर्ण संवाद आठवत नाहीये!!......"

~~ हुश्श !! झालं एकदाचं ती साक्ष उतरवून घेण्याच काम, थेट डीव्हीडीवरून...रोचीन. हेअर इट इज फॉर यू.

"....I am sure that the prosecute will see truth of the investigation. I assisted her in miscarriage, miscarriage of Lucas Cross’ baby. By witnessing here, perhaps I could lose the great privilege of my practice in medicine.
But it is time that someone should spoke of the whatever the price of the privilege of speak. Selena out of fear, fear of being forced to submit her guts, when she hid her crime for fear of how we would react to her being assaulted by her step-father. She couldn't trust no one anymore. Selena had to see me for medical reasons, reasons she swore me of the secrecy. No one violet the secrecy except for a bigger purpose. We all the prisoners of each others guilt, killed by each others deeds. It is time to stop now. We’re a small town, but we’re a prosperous one—and yet we allow tar-paper shacks to stand. We have half a dozen churches which most of you attend—and then don’t practice the work they preach once you walk down the steps. We have a fine school that you take for granted. We have a newspaper with a most intelligent editorial page—which you use for wrapping garbage. It’s time you people woke up. Perhaps today is the day that you will, because there’s something much bigger than the tragedy of Selena Cross on trial here—our indifference, our failure as a community to watch over one another, to know who needs help and to give it. Selena has been living in a prison of a wrong, long enough one we have built. I have no more to say your honour."

हॅपी ?? आय बेट यू आर, रोचीन.

इन्द्रा

वी (We) हे येव्हगेनी झाम्यातिन या लेखकाचं पुस्तक आत्ताच विकत घेतलं. कारण? हा दुवा पहा. १९१७ च्या बोल्शेविक क्रांतीनंतर अवघ्या तीनच वर्षांत हे पुस्तक यावं, ही गोष्ट रोचक आहे.

रानातील प्रकाश - जी ए
सोन्याचा पिंपळ - श्रीनिवास कुलकर्णी
क्रांतिकारकांचा अध्यात्मवाद -गोपाळ गोडसे
हिंदुत्व - स्वातंत्र्यवीर वि दा सावरकर

कोसबाडच्या टेकडीवरुन - अनुताई वाघ
पाडस- अनुवादित - राम पट्वर्धन
बालकांड - ह मो मराठे
आस्तिक शिरोमणी चार्वाक - डॉ साळुंखे
मर्‍हाटी लावणी- म वा धोंड
नागझिरा, बनगरवाडी - व्यंकटेश माडगूळकर
मुक्काम शांतिनिकेतन - पु ल देशपांडे
देवांची जन्मकथा - पुष्पा त्रिलोकेकर
शिवकालीन महाराष्ट्र - डॉ अ रा कुलकर्णी
सुनीताबाई - मंगला गोडबोले
पूर्णिया आणि मुक्तांगणची गोष्ट - अनिल अवचट
एका रानवेड्याची शोधयात्रा -कृष्णमेघ कुंटे

कोल्हापुरात "किताब कॉर्नर" मार्फत कालपासून शाहु स्मारक भवन येथे पुस्तक प्रदर्शन सुरू झाले आणि विशेष म्हणजे आपल्या येथील सदस्या आणि प्रख्यात लेखिका कविता महाजन आणि मिलिंद बोकील यांची पुस्तके अगदी दर्शनी भागात लावण्यात आली आहे. प्रदर्शनाला भेट देणारी साहित्यप्रेमी मंडळींच्या नजरेत ही रचना चटकन येते.

या निमित्ताने आज पहिल्या दिवशी तिथे जी पुस्तके मी खरेदी केली ती खालीलप्रमाणे :

१. ग्राफिटी वॉल ~ कविता महाजन यांची पहिली दोन्ही पुस्तके अनुक्रमे 'ब्र' आणि 'भिन्न' ही अगोदरच खरेदी केली होती. त्यामुळे 'ग्राफिटी वॉल' विषयी उत्सुकता होतीच. शिवाय मला वाटते कविताताईंनीच अनुवादित केलेले इस्मत चुगताई (बरोबर?) यांचे एक पुस्तक तिथे दिसले. अनुवादित विभागाकडे गर्दी जरा जास्तच असल्याने ते पुस्तक हाती घेता आले नाही...पण प्रदर्शन ३० डिसेंबरपर्यंत असल्याने नंतर पाहिनच. ग्राफिटी वॉलचे मुखपृष्ठ आणि पुस्तकाची मांडणी लक्ष वेधून घेते. राजहंसने कविता महाजन या नावाला कोणता दर्जा दिला आहे ते लागलीच समजून येते.

(थोडेसे अवांतर ~ कविता महाजन यांच्यासाठीच ~ ग्राफिटी वॉलचे राजहंसने स्पेलिंग Graffity असे करण्याचे कारण काय?)

२. शाळा : मिलिंद बोकील : माझ्या आवडत्या लेखकांच्या यादीतील लेखकाचे पुस्तक....मौजेची देखणी छपाई.
३. जागर - नरहर कुरुंदकर
४. महानायक, पानिपत ~ विश्वास पाटील : प्रचंड खपाच्या या दोन कादंबर्‍या धारवाड (कर्नाटक) इथे कॉलेज शिक्षण घेत असलेल्या माझ्या मावसबहीणीसाठी.

इन्द्रा

(थोडेसे अवांतर ~ कविता महाजन यांच्यासाठीच ~ ग्राफिटी वॉलचे राजहंसने स्पेलिंग Graffity असे करण्याचे कारण काय?)

ओ ओ... ही माझीच चूक. :-(. पुढच्या आवृत्तीत नक्की दुरुस्त करेन. ( आमचे प्रकाशक म्हणतात तसे म्हणते, "पुढची आवृत्ती आली तर...!") :-). वर्षभरात दुसरी आली आहे, त्या अर्थी तिसरी येईलच म्हणा! असो. पण वाचताना अजून काही चुका लक्षात आल्या तर जरूर कळवा. माझ्याकडे मी लिहिलेल्या, संपादित केलेल्या पुस्तकांची एक 'दुरुस्त्यांची प्रत' बाजूला ठेवलेली असते. ही डॉ. सरोजिनी वैद्य यांनी लावलेली चांगली सवय. चौथ्या आवृत्तीतही बाई मजकूर दुरुस्त करायच्या. :-).
आणि हो, या खेपेला या पुस्तकाचे मुखपृष्ठ व मांडणी मीच केलेली आहे. पुस्तकात वृत्तपत्रीय धाटणीचे फोटो वापरावेत ही कल्पना प्रवीण टोकेकर यांची होती. ( ते काहीतरी खास तापदायक कल्पना सुचवतात आणि गायब होतात. ती अमलात आणताना आपले हाल होतात, पण कल्पना इतकी चांगली असते की सोडवतही नाही!) पूर्ण काळेपांढरे पुस्तक करणे, ही वेगळी गंमत होती. त्याच्या शीर्षकाचे सुलेखन मी कोळशाने ( चारकोल) केले आहे.

कॉनरॉड रिक्टरची जी.एं.नी अनुवादित केलेली पुस्तके बरीच वर्षे बाजारात उपलब्ध नव्हती. ती आता परचुरे प्रकाशनाने पुन्हा छापली आहेत. ज्यांनी वाचली नसतील, त्यांनी जरूर वाचावीत. वाचली असतील त्यांनी संग्रही ठेवण्यासाठी (विकत) घ्यावीत! मी काही महिन्यांपूर्वीच ती विकत घेतली आहेत. ही पुस्तकं पहिल्यांदा वाचली होती तेव्हाही आवडली होती आणि इतक्या वर्षांनी पुन्हा वाचली तेव्हाही आवडली. नावे : रान, गाव, शिवार.