ओळखा पाहू हा वेचा कोणत्या पुस्तकातील आहे ते... - १८

मी नक्कीच हे पुस्तक वाचलेले दिसत नाहिये. पण राहून राहून हा वेचा परिचयाचा वाटतो आहे.
'शितू' तर नव्हे?

एखादी प्रेमकथा वाटते आहे. किंवा बहुतेक वि.स.खांडेकरांच्या वा ना.सी.फडके यांच्या एखाद्या सुंदर पुस्तकातील वेचा असावा हा. स्पष्टच सांगतो. नाही येत :(

पण वेचा सुंदर आहे. वाचायची उत्सुकता नक्कीच निर्माण झाली आहे.

>>>एखादी प्रेमकथा वाटते आहे.
नाही हो... ही का ब्र्ह्मचार्‍याची कथा आहे..

>> बहुतेक वि.स.खांडेकरांच्या वा ना.सी.फडके यांच्या एखाद्या सुंदर पुस्तकातील वेचा असावा हा.
दोघांचाही वेचा नाही हा...

या पुस्तकाची प्रथमावृती १९५९ निघाली होती. खूप जुने आणि प्रसिद्ध असे हे पुस्तक आहे.

अच्छा

मग हे जीए कुलकर्णींच्या पठडीतले दिसते आहे. पिंगळावेळ?
व्यंकटेश माडगूळकरांचे घर-दार देखील असेच सुंदर पुस्तक १९५९ सालीच प्रकाशित झाले होते. पण ते पुस्तक नाही वाटत वरील वेच्यावरुन.

आज विकांत आहे. बरेच जण ऑनलाईन नाहीत. उद्यापासून गरज पडल्यास संकेत द्यायला सुरूवात करते.

भारीच वेचा आहे. त्रोटक आहे, पण इकडून-तिकडं फिरवणारा आहे. कारण, आहे त्या मजकुरावरच जे आडाखे बांधण्याचे प्रयत्न झाले त्यांची व्याप्तीच अफाट आहे. वर खांडेकर, फडके या दोघांचा उल्लेख झाला. शैली त्यांच्यासारखीच. पण ते नाहीत. माडगूळकरांकडं ही शैली (शैली म्हणण्यापेक्षा, भाषेची प्रकृती) आहे असं मला नाही वाटत. तेही नाहीत; पण त्यांचा उल्लेख झालाच. जीए नाहीतच. प्रश्नच नाहीतच, तरीही त्यांचाही उल्लेख झाला.
पुढचा संकेत १९५९ सालचं पुस्तक. गाजलेलं. ब्रह्मचाऱ्याची कथा. इथं लेखक ओळखला जाण्याची एक शक्यता आहे.
राहिलेल्या नावात कानेटकर, कुसुमाग्रज (जर त्यांचं काही गद्य असेल तर), देसाई वगैरे मुख्य धारेतले. त्यांच्यापैकी कोणी? विश्राम बेडेकर नाहीत हे नक्की. मग राहिलं कोण?
किती 'फिरवणार' हा वेचा असा?
मी ओळखलं पुस्तक. माझ्या या लिखाणात दोन संकेत आहेतच दिलेले. आता पुढं कोण ओळखेल हे पुस्तक?

स्मरणगाथा किंवा भ्रमणगाथा ? गोनिदा नक्की ! भ्रमणगाथेतलंच आहे. :)

हम्म,

भ्रमणगाथा वाचलेलं नाही मी अजून...दुर्दैवानं :(

पुस्तक मी वाचलेल्यातले वाटत नाही (नेहमीप्रमाणेच?!) त्यामुळे माझा पास!

>माझ्या उशाजवळ-एका कोवळ्या पळसाच्या पानावर-पाचसहा फुलं ठेवलेली होती--
>मोगरीचीं!

कलिजा खल्लास! उठवायचेच असेल तर ते अशाप्रकारे असावे!! पळसाच्या पानावर मोगरीची फुले.. किती मनमोहक सुगंधी योजना आहे ही उठवण्याची!!!

उत्तर बहुतेकांनी बरोब्बर ओळखलं. आणि काहींनी लेखक ओळखला पण नेमकं पुस्तक तेच त्यांना आठवले नाही.
पुस्तक ओळखणारे लोकः
निखिल, श्रामो, माया.

अदिती आणि सागर यांना शितू कदाचित गोनीदांच्या शैलीमुळे वाटले असावे.