ओळखा पाहू हा वेचा कोणत्या पुस्तकातील आहे ते.. -३८

व्य. नि. पाठवला आहे!!

पास. पुस्तक वाचलेले नाही.
पण पुस्तक ओळखले. कसे ते नंतर मस्त कलंदर सांगेलच. :)

वाचलेले नाही त्यामुळे पास

पास..
छॅ हे नेहमी पास देण्यापेक्षा स्वतःच कोडे घालणे बरे असते ;)

त्यामुळे माझाही पास. एखादा संकेत आला तर त्या दिशेने प्रयत्न करता येतीलच.

ते पुस्तक राजा रविवर्मा आहे..
विजेते: रोचीन आणि दिगम्भा. बिपिन कार्यकर्ते यांनीही हे पुस्तक ओळखले.
संकेत असे होते: १. बाकाबाई गजरे बनवते आणि पानाचे विडे. यातून तिचे भावीण अथवा तत्सम असणं दिसतं.
२. सुगंधा. रविवर्म्याच्या बर्‍याचशा चित्रांची नायिका तीच होती
३. रविवर्म्याची प्रसिद्ध चित्रे: शंतनु-मत्स्यगंधा आणि उर्वशी-पुरूरवा. याच चित्रांसाठी देवादिकांना अर्धवस्त्रात दाखवले म्हणून रविवर्मांच्यावर खटला देखिल भरण्यात आला होता.
हे पुस्तक हिंदीत अनुवादित झाले आहे. पण ते शोधण्याचे श्रेय मोडकांचे. इथे पहा अगदी हाच वेचा तस्साच्या तस्सा फक्त अनुवादित स्वरूपात आहे.

थोडेसे पुस्तकाविषयी:
पुस्तक टिपिकल रणजित देसाई आहे. म्हणजे तेच ते शब्दालंकार, तीच ती उत्कट वर्णने. म्हणजे काही ठिकाणी रविवर्मा काढून माधवराव घातले तर स्वामीतला हळूवार प्रसंग म्हणून खपून जाईल असेही वाटले. त्यांनी या पुस्तकासाठी बरेच संशेधन केलेय म्हणे. खरे असेलही. पण ते स्वतःच प्रस्तावनेत सांगतात की थोडीशी त्यांनी लिबर्टी घेतलीय म्हणून. या पुस्तकाच्या प्रस्तावनेत एका ओळीत कर्तव्य म्हणून केल्यासारखा माधवी देसाईंचा उल्लेख वाचला, अर्पणपत्रिका "माझ्या मुलींना" अशी पाहिली.. आणि मग प्रत्येक ठिकाणी पुस्तक वाचताना नाच गं घुमा आठवत गेली.... असे करू नये, पण झाले खरे.

ठीक ठीक आणि एकदा वाचण्यासाठी- राजा रविवर्मा म्हणजे काय चीज होती हे जाणून घेण्यासाठी पुस्तक ठीक आहे. तेही उसने मिळाले तर बरे. नाहीतर विकत घेऊन वाचण्यासारखे निदान मला तरी वाटले नाही.

हा असा परिचय मुद्दाम अगदी थोडक्यात देतेय. जर कधी मनात आले आणि टंकाळा साथ सोडून गेला तर पुस्तकविश्वावर आणखी एका लेखाची भर पडण्याची शक्यता उगीच कशाला कमी करा???

हे लक्षातच आले नाही. एकतर पुस्तक वाचलेलेच नव्हते त्यात राजा रविवर्मा हा एक थोर चित्रकार होता व त्यांचा मळवली येथे शिळाप्रेस (लिथो स्टुडीओ) होता इतके सोडून इतर काहीही माहीत नव्हते.