ओळखा पाहू हा वेचा कोणत्या पुस्तकातील आहे ते... - ४१

मेघनाला श्रामोंनी दिलेला खो आहेच. पण न राहवून मी मध्येच घुसून हा वेचा देत आहे. पुस्तक ओळखण्यासाठी संकेतांची गरज आहेच आहे. पुस्तक किमान दोनजणांनी ओळखले जाईपर्यंत रोज एक संकेत दिला जाईल.
संकेत १: पुस्तक अनुवादित आहे

***************************************************************************************
जगभरात आत्मघातकी दहशतवाद वाढत चालला आहे; पण त्यामागील कारण नेमकं काय असावं याविषयी संभ्रम आहे. ११ सप्टेंबर २००१ सह असे बहुतांश हल्ले मुस्लिम दहशतवाद्यांनी धार्मिक हेतूसाठी केले असल्याचे मानलं जातं. त्यामुळे आत्मघातकी दहशतवादाच्या केंद्रस्थानी मुस्लिम पुनरूज्जीवनवाद आहे, असे चित्र उभं राहाणं स्वाभाविक आहे. या गृहितकामुळे मुस्लिम समाजात आमूलाग्र परिवर्तन झालं तरच भविष्यातील ९/११ टाळलं जाऊ शकेल, अशी धारणा निर्माण झाली आहे. इराकवर अमेरिकेनं केलेल्या आक्रमणाला अमेरिकेत मोठा पाठिंबा मिळण्यामागं तेच एक कारण आहे.
तथापि, आत्मघातकी दहशतवाद आणि इस्लामी पुनरूज्जीवनवाद यांच्यातील हा गृहित संबंध दिशाभूल करणारा असून यातूनच अमेरिकेतील परिस्थिती आणखी चिघळेल आणि मुस्लिमांना अकारण हानी पोचेल अशा काही धोरणांना चालना मिळत असावी.