ओळखा पाहू हा वेचा कोणत्या पुस्तकातील आहे ते... - ७१

वेच्याची निवड अगदी उत्कृष्ट केलीत इंद्रराज. लेखकाच्या वैशिष्ट्याविषयी थोडा गोंधळ होतो आहे.

थॅन्क्स....'जरा हटके....' पद्धतीचा वेचा आहे....आणि कथा किंवा कादंबरीतील नाही हेही मुद्दाम स्पष्ट केलेले आहेच. पण ज्या व्यक्तीचे हे आत्मचरित्र आहे ती व्यक्ती सर्वाना 'आपलीच' वाटते.

इन्द्रा

वेचा छोटासाच आहे पण नक्कीच चक्रावणारा आहे.
कारण लेखकाच्या एका वैशिष्ट्याकडे निर्देश झाला असला तरी प्रत्यक्षात लेखकाचा अंदाज बांधणेही अवघड पडते. त्या लेखकाची एखादी कलाकृती असेन तर अंदाज घेता येतो, पण आत्मचरित्रात प्रकटन असते तेव्हा लेखनशैली तीच असली तरी कित्येकदा परिचित वाटणार नाही असे लेखनही त्याच शैलीच्या लेखकाकडून होते.

वेचा छान निवडलाय एवढे नक्की.
अंदाज विरोपाने पाठवला आहे, पण अजून संकेताची गरज वाटते आहे.

अजून एखादा संकेत लागेलच इंद्रराज. बरेच तर्कवितर्क करून झालेत.

ज्यादाचा आणखीन् एक संकेत दिला आहे.....आता 'वेचा' अवघड वाटणार नाही याची खात्री आहे.

इन्द्रा

:)

आता बाकी मला श्री.सागर आणि श्री.वल्ली यांचे वैतागाने फुललेले चेहरे दिसू लागले असल्याने एक प्रकारचा 'क्रूर' आनंद होत आहे. आज रात्री ट्राय करा....नाहीतर उद्या सकाळी आणखीन् एक सॉलीड संकेत देत.

रोचीनला देखील उपयोगी होईल.

इन्द्रा

"...विदेशी अनुवाद नसावा एवढीच अपेक्षा करतो ...."

~ नक्कीच नाही. वर कित्येक ठिकाणी मी असे म्हटलेच आहे की, प्रत्येक (सुशिक्षित) भारतीय नागरिकाला 'ते' नाव माहीत आहे....विदेशी व्यक्तीच्या आत्मचरित्राचे इतपत कौतुक मूठभराना असते.

उद्या प्रथम अनुवादकाचे नाव जाहीर करतो...जादाचा संकेत म्हणून...त्यावेळी कदाचित तुमच्या विचाराला चालना मिळेल.

इन्द्रा

ग्रेट सागर.....मला माहीत होतेच की पुस्तक शोधून काढल्याशिवाय हा गृहस्थ झोपी जाणारच नाही.
ओळखले पुस्तक आणि लेखक....! अभिनंदन.

आता श्री.वल्लीही ओळखतीलच.

इन्द्रा

हयात असलेली तरीही लोकप्रिय असणारी, आपलीशी वाटणारी ही व्यक्ती कोण ब्वा?

कालची रात्र वेच्याचे उत्तर न मिळाल्यामुळे अस्वस्थतेतच गेली आता तरी एक शेवटचा संकेत द्या.

एकदाचे ते अवघड कोडे सुटले. मला या वेच्याची उत्तरे देता देता 'गडदेच्या बहिरी' वेच्याच्या वेळी इंद्रराजांची झालेली अवस्था आठवली. उत्तर न देता आल्यामुळे निद्रानाशाच्या दु:खाचा अनुभवही घेता आला. :) शेवटी एकदाचे उत्तर मिळाले. वेच्याची निवड एकदम झकास. पुस्तक तर विकत घेणारच आहे.

यानिमित्ताने 'सागर' ही किती दिग्गज वाचक आहे हे पुन्हा एकदा कळून आले.

लक्ष्मणरेषा या नावाची २ पुस्तके दिसतात. एक काकोडकरांचे तर दुसरे अशोक जैनांचे वेच्यातील. योग्य ती दुरुस्ती अपेक्षित आहे.

"...एक काकोडकरांचे तर दुसरे अशोक जैनांचे वेच्यातील..."

~ होय....मीही पहिल्यांदा जे 'लक्ष्मणरेषा' आले त्यावर माऊसले आणि उत्तर प्रकाशित केले. पानावर चन्द्रकांत काकोडकर असे लेखकाचे नाव दिसल्यावर हबकलोच. घाईघाईने 'संपादन' प्रक्रिया....जी सुदैवाने हयात होती...केली आणि योग्य ते नाव्/दुरुस्ती केली आहे. पण मुखपृष्ठ येत नाही....तरी हरकत नाही....आपला कार्यभार तर झाला.

इन्द्रा