पुण्यात दोन पुस्तक प्रदर्शनं

तुम्ही ह्या प्रदर्शनांना भेट दिली आहे का? कशी वाटली? पुस्तके कोणत्या प्रकारची आहेत?

तुम्ही ह्या प्रदर्शनांना भेट दिली आहे का? कशी वाटली? पुस्तके कोणत्या प्रकारची आहेत?

येत्या २-३ दिवसांत भेट देईन. अक्षरधारा आणि शुभम दर वर्षी अशी प्रदर्शनं भरवतात. त्यात सर्व प्रमुख प्रकाशक (मौज, राजहंस, मॅजेस्टिक, पॉप्युलर, पद्मगंधा वगैरे) आपली पुस्तकं ठेवतात. थोडीफार सवलत असल्यामुळे आणि पुष्कळ पुस्तकं एकत्र पाहायला/हाताळायला मिळतात त्यामुळे वर्षभराची 'स्टँडर्ड' खरेदी, दिवाळीआधीची पुस्तक-भेट खरेदी वगैरेंसाठी ही प्रदर्शनं सोयीची पडतात असा माझा अनुभव आहे.

अक्षरधाराचं प्रदर्शन आठवडाभर तरी सहज असावं. काल सकाळमध्ये उद्घाटनाची बातमी होती त्यात बहुतेक तारीख दिलेली होती. अंबर हॉल कर्वे रस्त्यावर दशभुजा आणि कर्वे पुतळा यांदरम्यान आहे - मारुती मंदिरासमोर. शेजारी देसाई बंधू आंबेवाले यांचं दुकान आहे. गूगल नकाशावर सापडेल.

शुभमच्या प्रदर्शनाला भेट दिली. यावेळी सवलत खूपच घसघशीत आहे. आणि १०० रू. वरील कुठल्याही पुस्तकावर किमान १५%सवलत आहेच.
राजहंसच्या पुस्तकांवर २५% सवलत आहे तर युगंधर, संभाजी, मृत्युंजय, राधेय आणि इतरही अनेक अश्या काही बर्‍याच गाजलेल्या पुस्तकांवर २०% सवलत आहे. जरूर जाउन याच आणि खरेदी कराच.

जवळच मेहता पब्लिशिंग हाउस मध्येही पुस्तक महोत्सव चालू आहे. तिथेही सरसकट २०% व टी-बुक क्लब किंवा ग्रंथजगतचे सभासद असल्यास ३५ ते ४०% पर्यंत मिळते. अर्थात तिथे फक्त मेहताचीच पुस्तके असल्याने बरीच मर्यादा आहे.

चिंतातूरजंतू,
माहितीबद्दल धन्यवाद.

अत्रे सभागृहात चक्कर मारेनच. अक्षरधाराचं प्रदर्शन अंबर हॉलमध्ये कधीपर्यंत आहे?
एक निवांत शनिवार/रविवार आख्खा राखून ठेवायला हवा.

अंबर हॉल जवळ आहे.. बघतो विकांताला जमतंय का!

कैवल्य आणि ऋ, चककर मारुन आल्यावर वृ जरुर द्या.
चिंजं, धन्यवाद.

माहितीबद्दल १०क्स! या शनिवारी मिशन बाजीराव रोड नक्की.. अत्रेत आणि मेहताच्या हापिसात जायला.

सेनापती बापट मार्गावर २० - २४ ऑक्टोबर असं एक बुक-फेअर आहे असं आत्ताच एका प्रकाशकांकडून कळलं. अधिक माहिती मिळाली की पत्ताबित्ता नीट लिहितेच.
तोवर तुम्हांला याबद्दल काही माहिती असली तर सांगा..

आज सकाळी इथे गेलो होतो. मौज आणि राजहंस ह्या दोनच उल्लेख करण्याजोग्या प्रकाशनांची पुस्तके होती (तरीही खिसा हलका झालाच :) ). बाकी सगळं मग देव-लहान मुले-खादाडी इत्यादी जंत्री होती.

ऑगस्टच्या शेवटच्या आठवड्यात अत्रे सभागृहात लागलेले प्रदर्शन मी पाहिलेल्या प्रदर्शनांमध्ये सर्वात उत्तम होते.

शुभमचे प्रदर्शन पाहिले. खूप उत्तम नसले तरी चांगले होते. काही पुस्तके उचलली. अंबर हॉलमधले पहायचे राहून गेले.

मी या शनिवारी मेहता आणि शुभमला जाऊन आले. एकाच दिवशी या दोन ठिकाणी गेल्याने ग्राहकाला देण्यात येणार्‍या वागणूकीतला फरक अगदी नजरेत भरण्याइतपत जाणवला.

मेहतावाल्यांनी सांगितले की प्रदर्शन कालच संपले त्यामुळे आता नेहमीच्या सदस्याला मिळते तितकीच सूट मिळेल (विकेंड समोर असताना प्रदर्शन शुक्रवारी संपवणारे लोक पाहिल्यावर मला खूप आश्चर्य वाटले पण ते असो.). माझ्या यादीनुसार पुस्तकं घेऊन आणि आउट ऑफ प्रिंट पुस्तकांची डोक्यात नोंद करून घेत मी तिथून बाहेर पडले. मग तिथून अत्रेला लागलेल्या शुभमच्या प्रदर्शनात गेले. हवी असलेली पुस्तके तर उचललीच मी तिथे पण बघून पटली म्हणूनदेखील घेतली काही पुस्तकं. खुद्द मेहतावाल्यांकडे नसलेली पुस्तकं मला तिथे मिळाल्याने मला खूप आनंद झाला. माझ्याकडच्या यादीतली तिथे माझ्या दृष्टीला न सापडलेल्या पुस्तकांची यादी मी कुणालकडे (शुभमचा प्रोप्रा बहुतेक) दिली आणि त्याला पुस्तकं शोधून द्यायला सांगितली. नेहमी देतो तो शोधून पुस्तकं पण परवा जरा गडबडीत दिसत होता.. कारण विचारल्यावर कळलं की त्याच्या आजेसासर्‍यांची तब्येत खूपच खराब असल्याने त्याला नगरच्या हॉस्पिटलात जायला हवे आहे. 'तुमची सगळी पुस्तकं मी काढून ठेवतो, कधीही येऊन घेऊन जा' असं म्हणाला. मग मीही जास्त लावून धरला नाही 'मला आत्ताच द्या ना पुस्तकं' मुद्दा. २३% डिस्काउंटनुसार पैसे देऊन पुस्तकं सॅकमध्ये ठेवत होते मी तर म्हणाला,'अब चौकातल्या दुकानात या ना कधी. आता आपण दुकानाशेजारची बिल्डींगच घेतली आहे. १३ डिसेंबरला उद्घाटन आहे.' 'मला हवी असलेली पुस्तकं दाखवणार/देणार असशील तर येईन.' असे म्हटल्यावर 'नक्कीच. नविन पुस्तकं आली की मी तुम्हाला अपडेट करत जाईन हवे तर.' म्हणाला. 'तिथे मग १२ महिने प्रदर्शन राहील का?' असे मी विचारल्यावर 'हो' म्हणाला. 'मग औबादला नाही यायचे तुमचे प्रदर्शन?' असे मी विचारल्यावर म्हणाला, 'काळजी नका करू. इथून निघालो की तिकडेच येतोय आम्ही तुमच्या बलवंतला.. दिवाळीनंतर. हवी असल्यास तुमच्या यादीतली पुस्तकं सरळ तिकडेच देतो आणून.' :) दिवाळीनंतर बलवंतमध्ये गाठणे शक्य नसल्याने आता या शनिवारी किंवा रविवारी परत जाईन मी अत्रेमध्ये उरलेली पुस्तके आणायला.

कार्डने पेमेंट केले तर चालेल का? या प्रश्नाला दिलेली उत्तरे पुरेशी बोलकी आहेत -

मेहता - '२% जास्त लागतील.'
शुभम - 'कशाला उगाच २% जास्त भरता? इथे शेजारच्याच बिल्डिंगमध्ये एटीएम आहे की. तुम्हालाही सोपे आणि आम्हालाही!'

जवळ असूनही अंबर हॉलला जाणे झाले नाही. रविवारी संध्याकाळी जाणार होतो पण पाऊस पडला आणि तिथे अजून साधी छत्रीही नाही :(

नॅशनल बुक ट्रस्टची पुस्तकं सहसा मिळत नाहीत.>> वर टण्याने सांगीतलेले "राग दरबारी" व्यतिरीक्त यांची कुठली पुस्तके चांगली आहेत त्याची यादी कोणी सांगेल काय?

माझ्या माहितीनुसार - राग दरबारी (सौजन्य: टण्या), आता आमोद सुनासि आले (सौजन्यः नंदन) आणि तोत्तोचान ही पुस्तके उत्तम आहेत एन्बीटीची.>> तोत्तोचान त्यांचे आहे होय. माझे आवडते. आता पाहिले पाहिजे परत.
ऋषिकेश,वेदश्री, चिंतातुर जंतू धन्यवाद. :-)

आनंदयात्री, तुम्ही भैरप्पांबद्दल म्हणतायत का?

कारंथांची काही पुस्तके एन.बी.टी. ने मराठीत अनुवादित केली आहेत. त्यातले 'मरणानंतर' हा अनुवाद अगदी बाद आहे. बाकी बरी आहेत पण. तसेच यशवंत चित्ताल ह्यांचे 'शिकार' नावाचे मूळ कानडी (मराठीत अनुवाद उपलब्ध) पुस्तक नक्कीच विकत घेण्याजोगे.
८-१० वर्षांपुर्वी मी एन.बी.टी.ची विविध भारतीय भाषांतील लघुकथांचे अनुवाद विकत घेतले होते. गुजराती, पंजाबी, मल्याळी, बंगाली वगैरे वगैरे आठवतात आता. ती पुस्तके पण वाचनीय होती.
मराठीतील गेल्या पन्नास वर्षातील लघुकथांचे संकलनदेखील आहे त्यांचे. त्यात अनेक उत्तमोत्तम कथा आढळल्या होत्या.
एन.बी.टी.ची पुस्तके साधारण अंदाज करुन घेउन टाकायची. एकतर किंमत तुलनेत फारच कमी असते. आणि इतर भारतीय भाषांतील साहित्य वाचण्याची अतिशय उत्तम संधी असते.

मंटोच्या कथांचे अनुवादक/मराठी-उर्दू शब्दकोष बनवणारे पण श्रीपाद जोशीच ना? की ते श्री.ज.जोशी? आणि रघुनाथाची बखरचे लेखक कोण?

पत्रकार नगरमधील कामायनी मैदानावरील प्रदर्शनात जाऊन आलो. मला नॅशनल बूक ट्रस्टचा स्टॉल दिसला नाही. नॅशनल बूक हाउसचा होता. पॉप्युलरचा स्टॉल चांगला आहे. साहित्य अकादमीचा पण उत्तम आहे.

ची कोणती पुस्तकं होती?? मुंबईत येण्याची काही शक्यता??

शनिवारी प्रदर्शनाला भेट दिली. जरी बरेच जणांनी गाशा गुंडाळलेला होती, तरीही लोकायत, पॉप्युलर आणि साहित्य अकादमीच्या स्टॉल्स वर चांगली पुस्तके मिळाली. कदाचित लवकर जाऊ शकले असते तर, अजूनही पुस्तके निवडता आली असती. जुनी पुस्तके निम्म्य्या किमतीला देण्याचा पॉप्युलरचा पायंडा खूपच पथ्यावर पडला! :)

अंबर हॉलच्या प्रदर्शनाला शेवटाच्या दिवशीच्या शेवटाच्या तासांत एकदाची भेट ददिली :)
[खरेदीही केली]
काहि पुस्तकांवर अजून एक पुस्तक फुकट होते शिवाय १० ते २०% सूटही होती.. बरीच वेगवेगळ्या विषयावरची पुस्तकेही होती.

पुण्यात आचार्य अत्रे सभागृहात पुप्र. बहुतेक आजपासून, कारण कुठे तारखा दिलेल्या नाहीत.
मौज + राजहंस + अक्षरधारा ह्यांची पुस्तके.
मौजच्या काही पुस्तकांवर सवलत.
अक्षरधाराची एक पुस्तक विकत + एक मोफत ही योजना.
राजहंसचं माहित नाही.
क्रेडीट कार्ड स्वीकारतील. :D