श्यामची आई

चर्चाविषय भारीच आहे :)

मला वैयक्तिकदृष्ट्या ते पुस्तक विषेश आवडत नाही. 'छान छान' चा कळस आहे.

मला तर लहानपणी पण हे पुस्तक विशेष आवडले नाही..उगाच मुलांनी वाचायची पद्धत असते म्हणून वाचले असावे..खरंच खूपच गोडगोड आहे..पण ते पुस्तक वाचुन रडणा-या मैत्रिणी पण माझ्या भोवती होत्या !

साने गुरुजींच्या कविता मला जास्त आवडतात.. ' बलसागर भारत होवो..' ही विशेष.

मला मुळात मुलांनी संस्कार करुन घेण्यासाठी म्हणून वाचावे हेच मान्य नाही..प्रत्येक गोष्टीला 'तात्पर्य' आणि त्यातुन मिळणारा(?) बोध या दोन्ही गोष्टी ' वाचनाची गोडी ' लागण्यात काही प्रमाणात अडथळा ठरू शकतात असे मला वाटते.

या पुस्तकाबद्दल अजुन एक वाटते..हे पुस्तक आजही तितकेच उपयुक्त आहे. पण ते पालकांच्या संदर्भासाठी आहे.

ज्या काळात हे पुस्तक लिहिले गेले आणि ज्या मनस्वी माणसाकरवी लिहिले गेले त्याला बघता, पुस्तकातले गुडीगुडी लिखाण गुळमुळीत न वाटता त्यापलिकडील संस्कार, विचार जास्त तीव्रतेने मनापर्यंत पोहोचतात.

माझ्या बाबांनाही हे पुस्तक खूप आवडते आणि म्हणूनच की काय कोणी मागितले की लगेच देऊन टाकतात. दरवेळेस विकत आणले तरी पुढच्यावेळी सापडायचा पत्ता नसतो! शेवटी आता मी २-४ प्रती आणून ठेवल्यात घरी.. :)

श्याम ची आई हे पुस्तक खरोखरच अप्रतिम आहे. यात मुळी वादच नाही. आजच्या पिढ़ीतील मुलांसाठी ते एक आदर्श ठराव असे ते पुस्तक आहे .
ते पुस्तक वाचुन खरोखरच खुप रडायला येते. या पुस्तकात संस्कारांची शिदोरी आहे. जी आजच्या कालाची गरज आहे. आज जिथे पालक नोकरीच्या निमित्ताने १२ -१२ तास घराबाहेर राहतात तेथे मुले फ़क्त टी.व्ही . बघत बसतात. तेव्हा या पुस्तकाच्या माध्यमातून पालक मुलांना आपल्या संस्कृतीची माहिती करून देऊ शकतात.