अमर्त्य सेन

अमर्त्य सेन (जन्म : ३ नोव्हेंबर १९३३) हे बंगाली-भारतीय अर्थशास्त्रज्ञ आणि तत्त्वज्ञ आहेत. कल्याणकारी अर्थशास्त्र आणि सामाजिक पर्याय सिद्धान्त या विषयांतील कार्यासाठी त्यांना १९९८ चे अर्थशास्त्रातील नोबेल पारितोषिक मिळाले. गरिबी, आरोग्य, शिक्षण, मानवी विकास आणि एकूण मानवी कल्याण हा त्यांच्या विचारांचा गाभा आहे. २००७ मध्ये नालंदा विद्यापीठाच्या निर्मितीसाठी भारत सरकारने स्थापन केलेल्या नालंदा मार्गदर्शक समूहाचे ते अध्यक्ष होते. गेल्या चाळीस वर्षांत त्यांची पुस्तके ३० हून अधिक भाषांत प्रकाशित झाली आहेत.