बाळकृष्ण भगवंत बोरकर

बाळकृष्ण भगवंत बोरकर ऊर्फ बा. भ. बोरकर (३० नोव्हेंबर १९१०, कुडचडे, गोवा – ८ जुलै १९८४, पुणे) हे मराठी आणि कोकणी भाषांतील श्रेष्ठ कवी होते. त्यांना 'बाकीबाब' या नावानेही ओळखले जाते. 'प्रतिभा' हा त्यांचा पहिला काव्यसंग्रह; त्यानंतर 'जीवनसंगीत', 'दूधसागर', 'आनंदभैरवी', 'चित्रवीणा', 'गितार', 'चैत्रपुनव', 'कांचनसंध्या', 'अनुरागिणी', 'चिन्मयी' हे संग्रह प्रसिद्ध झाले. 'सासाय' आणि 'पांयजण' हे त्यांचे कोकणी काव्यसंग्रह आहेत. सौंदर्य, प्रेम, निसर्ग आणि गोव्याची भूमी हे त्यांच्या कवितेचे प्रमुख विषय होते. गोवा मुक्तिसंग्रामातही त्यांनी सहभाग घेतला. भारत सरकारने १९६७ मध्ये त्यांना पद्मश्री पुरस्काराने गौरवले.