इंदिरा संत

इंदिरा संत (४ जानेवारी १९१४ – १३ जुलै २०००) या मराठी कवयित्री आणि कथालेखिका होत्या. त्यांचा जन्म कर्नाटकातील इंडी येथे झाला; पूर्वाश्रमीच्या त्या इंदिरा दीक्षित. कोल्हापूर आणि पुणे येथे शिक्षण घेतल्यानंतर त्यांनी बेळगावच्या ट्रेनिंग कॉलेजात अध्यापन केले आणि १९५६ ते १९७४ या काळात तेथे प्राचार्यपद भूषवले. १९३५ मध्ये त्या फर्ग्युसन कॉलेजातील सहाध्यायी नारायण संत यांच्याशी विवाहबद्ध झाल्या; दोघांच्या कवितांचा 'सहवास' हा संग्रह १९४० मध्ये प्रसिद्ध झाला. आई, पत्नी, मुलगी या नात्यांतून दिसणारे स्त्रीजीवन त्यांनी कवितेतून हळुवारपणे मांडले. 'शेला' (१९५१), 'मेंदी' (१९५५), 'मृद्गंध' (१९८६) हे त्यांचे काव्यसंग्रह असून 'गर्भरेशीम'साठी त्यांना साहित्य अकादमी पुरस्कार मिळाला. पुणे येथे त्यांचे निधन झाले.