जयवंत दळवी

जयवंत द्वारकानाथ दळवी (१४ ऑगस्ट १९२५ – १६ सप्टेंबर १९९४) हे मराठी लेखक, नाटककार आणि पत्रकार होते. 'ठणठणपाळ' या टोपणनावाने त्यांनी वृत्तपत्रीय स्तंभलेखन केले; 'ललित' मासिकातील 'घटका गेली पळें गेली' हे त्यांचे सदर अनेक वर्षे लोकप्रिय होते. 'प्रभात' आणि 'लोकमान्य' वृत्तपत्रांचे उपसंपादक म्हणून काम केल्यानंतर ते 'युनायटेड स्टेट्स इन्फर्मेशन सर्व्हिसेस'मध्ये रुजू झाले आणि इंग्रजी साहित्य भारतीय भाषांत आणण्याचा प्रयत्न केला. 'चक्र' (१९८१) आणि 'रावसाहेब' (१९८६) या चित्रपटांच्या कथा त्यांच्या होत्या; 'दुर्गी'वर 'उत्तरायण' आणि 'ऋणानुबंध'वर 'कच्चा लिंबू' हे चित्रपट आधारित आहेत. त्यांच्या स्मरणार्थ 'जयवंत दळवी स्मृती पुरस्कार' दिला जातो.