काका कालेलकर

दत्तात्रय बाळकृष्ण कालेलकर ऊर्फ काकासाहेब कालेलकर (१ डिसेंबर १८८५ – २१ ऑगस्ट १९८२) हे मराठी आणि गुजराती लेखक, इतिहासकार आणि गांधीवादी पत्रकार होते. त्यांचा जन्म सावंतवाडीजवळील बेलगुंडी येथे झाला आणि पुण्याच्या फर्ग्युसन कॉलेजमध्ये त्यांचे शिक्षण झाले. काही काळ 'राष्ट्रमत' दैनिकात काम केल्यानंतर ते बडोद्याच्या गंगाधर विद्यालयात शिक्षक झाले; ब्रिटिश सरकारने ते विद्यालय बंद पाडले. त्यानंतर ते महात्मा गांधींच्या साबरमती आश्रमाचे सदस्य झाले. तेथे त्यांनी गांधीजींच्या 'सर्वोदय' नियतकालिकाचे संपादक म्हणून काम पाहिले.