कुसुमाग्रज

कुसुमाग्रज हे विष्णु वामन शिरवाडकर (२७ फेब्रुवारी १९१२ – १० मार्च १९९९) यांचे टोपणनाव. त्यांचा जन्म पुणे येथे झाला; त्यांचे मूळ नाव गजानन रंगनाथ शिरवाडकर होते. ते मराठीतील अग्रगण्य कवी, नाटककार, कादंबरीकार आणि कथाकार होते. 'जीवनलहरी' हा त्यांचा पहिला काव्यसंग्रह १९३३ मध्ये प्रकाशित झाला. १९४२ मध्ये वि. स. खांडेकरांनी प्रकाशित केलेल्या 'विशाखा' या संग्रहाने त्यांना मोठी लोकप्रियता मिळाली. 'किनारा', 'मराठी माती', 'स्वगत', 'हिमरेषा' हे त्यांचे इतर काव्यसंग्रह आहेत. 'नटसम्राट' नाटकासाठी त्यांना १९७४ मध्ये साहित्य अकादमी पुरस्कार, १९८७ मध्ये ज्ञानपीठ पुरस्कार आणि १९९१ मध्ये पद्मभूषण मिळाले. त्यांचा जन्मदिवस २७ फेब्रुवारी हा 'मराठी भाषा गौरव दिन' म्हणून साजरा केला जातो.