महेश एलकुंचवार

महेश एलकुंचवार (जन्म : ९ ऑक्टोबर १९३९) हे मराठी नाटककार आहेत. तीन ते चार दशकांहून अधिक काळ आधुनिक भारतीय रंगभूमीवर त्यांचा प्रभाव आहे. वास्तववादी, प्रतीकात्मक आणि अभिव्यक्तीवादी अशा विविध शैलींत त्यांनी नाटके लिहिली. १९६७ मध्ये 'सत्यकथा' मासिकात 'सुलतान' ही एकांकिका प्रसिद्ध झाल्यानंतर ते प्रकाशझोतात आले; विजया मेहता यांनी त्यांच्या नाटकांचे रंगमंचावर सादरीकरण केले. 'रुद्रवर्षा', 'वासनाकांड', 'पार्टी', 'आत्मकथा', 'प्रतिबिंब' ही त्यांची नाटके आहेत. 'वाडा चिरेबंदी', 'मग्न तळ्याकाठी' आणि 'युगान्त' ही त्रिनाट्यधारा विशेष प्रसिद्ध आहे; 'युगान्त'साठी त्यांना २००२ चा साहित्य अकादमी पुरस्कार मिळाला. २००३ मध्ये त्यांना सरस्वती सन्मान मिळाला. त्यांच्या नाटकांचे इंग्रजी, फ्रेंच, जर्मन आदी भाषांत भाषांतर झाले आहे.