ओशो

ओशो (जन्मनाव चंद्र मोहन जैन; ११ डिसेंबर १९३१ – १९ जानेवारी १९९०) हे आंतरराष्ट्रीय अनुयायी लाभलेले भारतीय गूढवादी, गुरू आणि आध्यात्मिक शिक्षक होते; ते आधी आचार्य रजनीश आणि नंतर भगवान श्री रजनीश म्हणूनही ओळखले जात. तत्त्वज्ञानाचे प्राध्यापक असलेल्या ओशोंनी १९६० च्या दशकात वक्ते म्हणून भारतभर प्रवास केला. आपल्या व्याख्यानांतून त्यांनी विविध धार्मिक परंपरा, गूढवादी आणि जगभरातील तत्त्वज्ञ यांच्या लेखनाचा नव्याने अर्थ लावला. १९७४ मध्ये त्यांनी पुण्यात आश्रम स्थापन केला; १९८१ ते १९८५ या काळात ते अमेरिकेत होते. १९९० मध्ये पुण्यात त्यांचे निधन झाले.