प्रेमचंद

प्रेमचंद (३१ जुलै १८८० – ८ ऑक्टोबर १९३६) हे हिंदी आणि उर्दू सामाजिक कथालेखनातील अग्रणी लेखक होते. त्यांचे मूळ नाव धनपतराय श्रीवास्तव. त्यांचा जन्म बनारसजवळील लमही या गावी झाला. 'नवाबराय' हे त्यांचे पहिले टोपणनाव होते. १९०७ मध्ये पाच कथांचा 'सोज़-ए-वतन' हा संग्रह प्रकाशित झाला; त्याच्या सुमारे पाचशे प्रती जाळण्यात आल्या. त्यांनी डझनाहून अधिक कादंबऱ्या, सुमारे तीनशे कथा, निबंध आणि अनुवाद लिहिले. 'गोदान', 'गबन', 'निर्मला', 'रंगभूमी', 'कर्मभूमी' या कादंबऱ्या, 'कफन', 'ईदगाह' या कथा आणि 'मानसरोवर' ही त्यांची प्रसिद्ध कामे आहेत. गरीब शेतकरी, ग्रामीण जीवन आणि कष्टकरी वर्ग हे त्यांच्या लेखनाचे महत्त्वाचे विषय होते.