राम शेवाळकर

राम बाळकृष्ण शेवाळकर (२ मार्च १९३१, अचलपूर – ३ मे २००९) हे मराठी लेखक, कवी आणि वक्ते होते. त्यांचे मूळ आडनाव धर्माधिकारी; मूळ गाव कयाधू नदीकाठचे शेवाळ होते. त्यांचे वडील भाऊसाहेब शेवाळकर हे कीर्तनकार होते; अशा घराण्यात जन्मल्याने त्यांच्यावर संस्कृत महाकाव्ये आणि मराठी संतसाहित्याचे संस्कार झाले. नागपूर विद्यापीठातून संस्कृत आणि मराठी विषयांत एम.ए. केल्यानंतर त्यांनी शिक्षकी पेशा स्वीकारला. वाशीम येथील शासकीय प्रशालेत ते शिक्षक होते.