सचिन तेंडुलकर

सचिन रमेश तेंडुलकर (जन्म : २४ एप्रिल १९७३, मुंबई) हे माजी भारतीय क्रिकेटपटू असून डॉन ब्रॅडमन यांच्यानंतरचे सर्वोत्तम फलंदाज म्हणून जागतिक स्तरावर मानले जातात. २००२ मध्ये विस्डेनने त्यांना ब्रॅडमन यांच्यानंतरचा सर्वकालीन दुसरा सर्वोत्तम कसोटी फलंदाज आणि व्हिव रिचर्ड्स यांच्यानंतरचा दुसरा सर्वोत्तम एकदिवसीय फलंदाज म्हणून निवडले. २००३ च्या विश्वचषकात ते मालिकावीर ठरले आणि २०११ च्या विश्वचषक विजेत्या भारतीय संघात त्यांचा समावेश होता. आंतरराष्ट्रीय क्रिकेटमध्ये शतकांचे शतक करणारे ते एकमेव खेळाडू आहेत. त्यांना पद्मविभूषण आणि राजीव गांधी खेलरत्न हे पुरस्कार मिळाले आहेत.