सत्यजित राय

सत्यजित राय (२ मे १९२१ – २३ एप्रिल १९९२) हे भारतीय लेखक, पटकथालेखक, संगीतकार, निर्माते आणि चित्रपट दिग्दर्शक होते. १९५५ मधील 'पथेर पांचाली' आणि 'अपु' चित्रपटत्रयीमुळे त्यांना जागतिक कीर्ती मिळाली; त्यांनी एकूण ३७ चित्रपट केले. आपल्या चित्रपटांचे संगीत, पटकथा, दिग्दर्शन आणि संपादन ते स्वतः करत. १९९२ मध्ये त्यांना जीवनगौरव ऑस्कर पुरस्कार देण्यात आला; ऑस्कर मिळवणारे ते एकमेव भारतीय दिग्दर्शक आहेत. पद्मश्री, ऑक्सफर्ड विद्यापीठाची डी.लिट. यांसह अनेक सन्मान आणि ११ आंतरराष्ट्रीय पुरस्कार त्यांना मिळाले.