व. पु. काळे

वसंत पुरुषोत्तम काळे ऊर्फ वपु काळे (२५ मार्च १९३३ – २६ जून २००१) हे मराठी लेखक, कादंबरीकार आणि कथाकथनकार होते. व्यवसायाने ते वास्तुविशारद होते आणि मुंबई महानगरपालिकेत कार्यरत होते. त्यांनी ६० पेक्षा जास्त पुस्तके लिहिली. 'पार्टनर', 'वपुर्झा', 'ही वाट एकटीची' आणि 'ठिकरी' ही त्यांची पुस्तके विशेष प्रसिद्ध आहेत; 'सखी', 'तप्तपदी' हे कथासंग्रहही वाचकप्रिय आहेत. त्यांचे १,६०० पेक्षा जास्त कथाकथनाचे कार्यक्रम झाले. ध्वनिमुद्रणाच्या माध्यमातून वाचकांपर्यंत पोहोचणारे ते पहिले मराठी लेखक मानले जातात. २६ जून २००१ रोजी मुंबईत राहत्या घरी हृदयविकाराने त्यांचे निधन झाले.