आझाद हिंद सेनेसमवेत ब्रम्हदेश ते जपान

७ डिसेंबर १९४१ ती विनाशाची सुरुवात होती. याचदिवशी जपानने, अमेरिकेतल्या पर्ल हार्बर' या बंदरावर अचानकपणे विध्वंसक हल्ला केला. सारा परिसर बेचिराख झाला. या घटनेचे परिणाम हजारो मैल दूर असूनही दुसऱ्या जगातल्या असंख्य अश्राप लोकांना भोगावे लागले. त्यांच्यापैकीच मी एक होतो. खरोखर किती विस्मयजनक होतं ते सारं! परंतु त्या घटनेने माझं आयुष्य बदलून टाकलं, माझ्या जीवनाला वेगळीच कलाटणी मिळाली हे निश्चित!