जनमत - सु.शिं चा सर्वोत्तम मानसपुत्र कोण ? व त्याची सर्वोत्कृष्ट कथा/कादंबरी कोणती ?

जनमत हा शब्द 'निमित्तमात्र' कथासंग्रहातील 'सावधान' या कथेत आलाय. :)
प्रवीण, समीर, चंद्या, नित्या, अव्या हे सगळे एकत्र आल्यावर कोणाला कोंडीत पकडायचे असले की 'जनमत' म्हणायचे ;) अगदी अलका समोर देखील हे जनमत होतेच ... पण शेवट मात्र गोड होतो या कथेचा

सुशिंचा मानसपुत्र कोण? हा खरे तर एक प्रकारे अन्यायच होईल कारण प्रत्येक मानसपुत्र हा वेगळ्या साच्यातला आहे.
(ज्यांना सुशिंची ओळख नाही त्यांना कल्पना यावी यासाठी विदेशी पात्रांची उदाहरणे मुद्दाम वापरली आहेत, अन्यथा सुशि प्रेमींना या दाखल्यांची गरजच नाही)

जेम्स बाँड स्टाईल बुटात लपवलेल्या स्प्रिंग तंत्राने उंचच उंच उड्या मारु शकणारा फिरोज इराणी जसा बायकांपासून लांब तरी बायकांच्याच लफड्यात अडकलेला. ज्याला स्वतःहून संकटे ओढवून घ्यायची सवय आहे

मंदार पटवर्धन सारखा सालस देखणा हिरो, त्याच्या अचाट क्षमतांनी जेम्स बाँड आणि शेरलॉक होम्स यांची एकत्रित आठवण करुन देतो...

दारा बुलंद हा प्रचंड ताकदीचा आभास थेट समोर उभा करतो. खांद्याच्या एका धडकेत भिंत फोडून टाकणारा पहाडी ताकदीचा दारा बुलंद एक अद्वितीय आनंद देतो. आणि हा दारा बुलंद अर्नॉल्ड पेक्षा कित्येक पटींने तगडा असावा असा फील वाचकाला देतो.

तर बॅरिस्टर अमर विश्वास प्रचंड बुद्धीमत्तेच्या जोरावर कोर्टात केसचा कशा फडशा पाडतो ते उत्कंठा ताणणारे असते. केस सुटलेली जोपर्यंत वाचून होत नाही तोपर्यंत वाचक अमर विश्वास चे पुस्तक सहसा खाली ठेवत नाही. शेरलॉक होम्स याच्याकडूनच शिकला असावा इतके सुंदर गुंता सोडवण्याचे कौशल्य अमर विश्वासचे आहे.

अशा चार हरहुन्नरी मानसपुत्रांत काय तुलना करणार? :)
मला तर आपले सगळेच वाचायला आवडतात.

निवड करायचीच आहे अशीच अगदी अट असेन तर पहिली पसंती अमर विश्वास या मानसपुत्राला देईन.
पण माझ्या लेखी सगळे मानसपुत्र तितकेच छान आहेत.

सुशिंची सर्वोत्कृष्ट कथा किंवा कादंबरी कोणती?
हाही असाच कूटप्रश्न आहे.
सुशिंचे जवळपास प्रत्येक पुस्तक पुन्हा पुन्हा वाचावेसे वाटते, यातच सुशिंचे यश दडलेले आहे.

मला तरी पण वैयक्तिकरित्या
अनुभव ही कथा
आणि
जाई ही कादंबरी फार आवडते...
माफ करा मधुचंद्र राहिले ;) ... मला सर्वात जास्त मधुचंद्र आवडते
का कोसळ?
का दुनियादारी
का कोवळीक.....????

छे ..छे ..छे ..
सगळा गोंधळच उडाला आहे.
तरी पण जाई माझ्या खूप खूप आवडीची आहे :)

देवेन्द्र आणि समस्त `सुशि'प्रेमी.......
ह्या चर्चेत मला थेट भाग घेता येणे अशक्य! कारण मी तर त्यांचे काहीही वाचलेले नाही. एक मुख्य फायदा म्हणजे `सुशि'प्रेमींकडून त्यांच्याविषयी सविस्तर माहिती समजेल. आणि मी नेमके काय वाचावे हे ठरवण्यासाठी त्याचा उपयोग होईल, एवढे मात्र नक्की........

देवेंद्र धन्यवाद. खास आमच्यासारख्या 'सुशि' प्रेमीसाठी हा धागा म्हणजे आनंदाचे झाडच.

सागरने मानसपुत्रांची ओळख करून दिलेली आहेच. त्याच्याशी सहमतच. मानसपुत्रांमध्ये तुलना अशक्यच. तरी सागरप्रमाणेच
माझीही पहिली पसंती 'बॅ. अमर विश्वास'
वेगवान कोर्टकथा, टकलावर खारका मारणारे बॅ. सी. पी दीक्षित, चांगला मित्र असलेला पण कोर्टात कायमच सरकारपक्षाच्या बाजूने साक्ष देत असलेला इ. ब्रिजेश लाल, गालातल्या गालात हसणारे जज्ज केसर. अमरचा गुप्तहेर मित्र गोल्डन डिटेक्टीव एजन्सीचा गोल्डी व सोनाली व खुनाचा खोटा आरोप आलेली व त्यातून अमरने सोडवलेली व पुढे त्याची प्रेयसी झालेली मोहिनी. सर्वच पात्र अगदी डोळ्यांसमोर तरळून जातात.
पण काही खटल्यातले अमर विश्वासचे रात्रीचे रूप 'रातों का राजा' फारसे पटले नाही. मूळ कोर्टकथेपासून जरा हे अतिशयोक्तीकडे जाणारे वाटते.

दुसरी पसंती म्हणजे 'साम' चा दारा बुलंद.
आम्हाला राजस्थान परिचीत झाला तो 'बुलंद' कथांनी. दाराचे जीवाला जीव देणारे ३ साथीदार-मधुर, बादल, शीतल, दाराची बहीण सलोनी. शान-ए. जैसलमेरचा अड्डा व त्यातील मारामार्‍या. राजस्थानातील क्रूरकर्मी डाकू. सद:रक्षणाय खलनिग्रहणाय वसा घेतलेला दारा बुलंद.

माणसांच्या सूक्ष्म निरीक्षणातून सुशिंनी अनेकानेक कादंबर्‍या फुलवल्या. त्यातली माझ्या आवडीची सर्वाधिक म्हणजे 'बरसात चांदण्यांची' एक हलकीफुलकी कादंबरी.
तर सर्वोत्कृष्ट कथेमध्ये मी त्यांची 'देवाघरची फुले' या कथेला अग्रकम देईन.

बाकी चर्चा जशी जशी पुढे सरकेल तसा तसा यात अधिक भाग घेत राहीनच.

अवांतरः दुनियादारी ही सुशिंची सर्वाधिक लोकप्रिय, अत्यंत गाजलेली कादंबरी पण माझ्या व सागरच्या दोघांच्याही सर्वोत्कृष्ट सुशि मध्ये तिचा समावेश नाही. हे जरा आश्चर्यच. नाही का?

मित्रानो,
मी सु.शिं.चा एकेरी उल्लेख कसा करेल?
सर्वोत्क्रुष्ट कथा/कादंब्ररी म्हण़जे,त्या मानसपुत्राची क/का!
तरीपण,एकूणातील सर्वोत्तम कथा/कादंबरी देखील नोंदवा.
म्हणजे तीन गोष्टी- मानसपुत्र,त्याची बेस्ट क्था/कादंबरी
व ए़कूणातील बेस्ट कथा/कादंबरी,
-देवेन्द्र प्रभुणॅ,यवतमाळ.

मित्रानो,
वरील दोन्ही पुस्तके सध्या ई-रसिक वर तरी उपलब्ध नाहीत.
यवतमाळ च्या ग्रंथालयात देखील नाहीत.
कोणी पंखा मिळवून देऊ शकेल काय?
(स्टार हंट्रर्स वाचली आहे.(खुपदा).
बरसात चांद्ण्यांची अजून अनुभवायची आहे.
प्लीज्,जरा तेवढे पुस्तकांचे पघा राव्,लै उपकार व्हतील की वो!
-देवेन्द्र प्रभुणॅ,यवतमाळ.

सुशिंच्या मानसपुत्रांची वाहने पण अगदी खास सुशि स्टाईल. एकदम अत्याधुनिक, टकाटक, अत्यंत दुर्मिळ असलेली.

मंदार पटवर्धन- फेअरडील
डॅनी- पाँटेक (डॅनी हे पात्र सुशिंनी अगदी डॅनी डेंन्झोपा या कलाकारावरून घेतले होते की काय कोण जाणे. मला तर तो कलाकारच डोळ्यांसमोर यायचा वाचताना)
प्रिन्स- हा धिप्पाड असल्याने याची डॉज होती. (सागर-नक्की ना?)

फिरोज इराणी- स्पीडब्रेक

बॅ. अमर विश्वास - डॅमलर

दिनेश सायगल, ब्रिजेश लाल आणि मुकेश भाटीया या विचार्‍या पोलीसांना मात्र जीप यायची वाट्याला.

आणि हो, दारा बुलंद राहिलाच.

त्याचा मात्र घोडा- तुफान नावाचा. एकदम लाजवाब.

एकेक करत बरेच सुशिवेडे जमलेत की कट्ट्यावर! :)
मस्त रे.

सुशिंची 'प्रयास' वाचलीय का कोणी?

एका गावात नुकताच ब्यांकेत नोकरीवर लागलेला एक साधाभोळा तरूण. बॅंकेवर दरोडा पडतो. तरूणाचे आयुष्य उधवस्त होते. दरोड्यात सामील असल्याच्या संशयावरून दरोडेखोरांबरोबरच त्यालाही आत टाकले जाते. त्यांच्याबरोबर राहून त्यांच्याच ट्रिक्स शिकून दरोडेखोरांचा बदला घेतो. स्वतःवरचा कलंक धुवून काढतो.

एकदम जबरदस्त विनोदी, गंभीर, थरार असे रस असलेली कादंबरी-प्रयास

अजून एक कादंबरी आहे. कथानायक-हर्षद. एक जीव द्यायला निघालेला एक तरूण. अशिच एक तरूणी भेटते. आयुष्यात अचानक बदल घडून येतो. एका माणसाच्या तावडीत सापडतो. त्यातून हे दोघे कशी सुटका करून घेतात त्याचे मनोवेधक चित्रण.
कादंबरीचे नाव नेमके आठवत नाही आता.

'बुलंद' कथांतील खलनायक आठवतात का काही?

अख्तर सुलतान, फिदा कुरेशी, धिल्लन हे काही पुस्तकांत परत परत आले होते. त्यातला अख्तर सुलतान तर बरेच पुस्तकांत होता.
गोरख च्या टोळीशी लढतांना कदाचित पहिल्या 'बादल'चा मृत्यु झालाय ना.
अजून काही नाव घेण्याजोगे खलनायक फारसे आठवत नाही.
'खजिना' मधला (?) ठाकूर जर्नेलसिंहाचा जबरदत देह नजरेसमोर उभा राहतो. पण ते खलनायक नव्हेत ना?

पोखरणच्या वाळवंटातील वाळूची पोकळी आठवतेय का मित्रांनो?

फिरोजचे मानलेले वडील कोण रे? फिरोजला लहानपणापासून सांभाळतात ते. कायतरी बंगाली उद्योगपती ना ते? सरकार का असेच काहीसे नाव आहे त्यांचे.

आणि दाराची पहिली कथा 'वॉटेड'च ना?