एवढ्यात तुम्ही कोणती पुस्तके विकत घेतली आहेत?

अलीकडच्या काळात एकही मराठी पुस्तक विकत घेतले नाही. अलीकडची खरेदी म्हणायची झाली तर त्यालाही सहा महिने होऊन गेले. ती इंग्रजीच पुस्तके आहेत. महिन्यापूर्वी घेतले तेही इंग्रजीच - द रिव्हेंज ऑफ गया!
अलीकडे हाती आलेलं एकमेव मराठी पुस्तक म्हणजे नेमाड्यांची हिंदू ही कादंबरी. पण ती भेट स्वरूपात आली. :)

अलिकडे मराठीतील साधना आमटे यांचे समिधा विकत घेतले. शिवाय मीना प्रभु यांची मेक्सिकोपर्व व दक्षिणरंग विकत घेतली. बाकी मी वाचनालयप्रिय असल्याने पुस्तक खूप आवडल्याशिवाय विकत घेत नाही.

मीना: अफगाण मुक्तीचा आक्रोश, कुण्या एकाची भ्रमणगाथा, हिंदू, बनगरवाडी, दक्षिणरंग, स्मरणगाथा, कादंबरीमय शिवकाल, मंडालेचा राजबंदी, स्वतःविषयी, अवकाश, फाळणी ते फाळणी, तुंबाडचे खोत - भाग १ व २, पाण्याचे पंख, दुर्गभ्रमणगाथा, मेक्सिकोपर्व, पडघवली, पवनाकांठचा धोंडी, जैत रे जैत, डोह, स्थलांतर, एका तेलियाने, कोसला, कळ, झूल, जरीला, सुखी माणसाचा सदरा, साधा माणूस, माचीवरला बुधा, पारधी, प्रकाशवाट, ब्र, डेनिसच्या गोष्टी - भाग १ व २, तोत्तोचान, शितू, कागदी बाण, हाउज दॅट!, मिरासदारी, पॅपिलॉन, तंट्या, प्राणघातक कंठा, मालगुडी डेज, मेमरीज ऑफ मिडनाईट, झेप, झुंज, सोन्याचा पिंपळ, हसगत, प्रिय जी.ए., नवी गुगली, कोल्हाट्याचं पोर, ओंजळधारा, बलुतं, ऐसपैस गप्पा दुर्गाबाईंशी, हापूस पायरी, छावा, नथींग लास्ट्स फॉरेव्हर, भिन्न, तुका आकाशाएवढा, कहाणी लंडनच्या आजीबाईंची, साद देती हिमशिखरे, उत्खनन, कोरडी भिक्षा, मुलगा माझाच, नर्मदे हर हर, साधनामस्त, कालिंदी, पावणेदोन पायांचा माणूस, कृष्णकिनारा, डेझर्टर, रक्तरेखा, नित्यनिरंजन, ही 'श्रीं'ची इच्छा!

सध्या फक्त नेमाड्यांची हिंदु घेण्यात आलेली आहे.
पुढच्या महिन्यात पुस्तक खरेदीचा मुहुर्त लागेल असे वाटते.

१. हिंदू-जगण्याची समृद्ध अडगळ - भालचंद्र नेमाडे
२. संभाजी- विश्वास पाटील
३. शाळा- मिलिंद बोकील
४. ईफ टुमारो कम्स - सिडने शेल्डन - अनु. विजय देवधर
५. वन शॉट - ली चाइल्ड - अनु. बाळ भागवत

काजळमाया - जी.ए. कुलकर्णी
पर्व - एस एल भैरप्पा (अनुवादः उमा कुलकर्णी)
आहे मनोहर तरी - सुनीता देशपांडे
फॉर हिअर ऑर टु गो - अपर्णा वेलणकर

जेव्हा माणुस जागा होतो - गोदाताई परुळेकर
डायरी ऑफ अ‍ॅन फ्रँक - मंगला निगुडकर
माझी जन्मठेप - वि.दा.सावरकर

मी पण आताच हे पुस्तक वाचायला घेतलं आहे, ५०-६० वर्षांपुर्वी ठाणे जिल्ह्यातल्या दुर्गम आदिवासी पाड्यात रहाणारे आदिवासी, तिथले जमीनदार, गोदाताई, कॉ. परुळेकर आणि लाल बावट्याचा त्या जमिनदार आणि प्रस्थापित यंत्रणेविरुद्ध संघर्ष यावरचे गोदाताईंचे अनुभव आहेत. पुर्ण वाचल्यावर सविस्तर लिहीनच.

या आठवड्यांत पुढील पुस्तके घेतली आहेत.

कालिकामूर्ति - गो.ना.दातार
छावा - शिवाजी सावंत
झुंज - ना.सं.इनामदार
झेप - ना.सं.इनामदार
राशिचक्र - शरद उपाध्ये
पडघवली - गोनीदां
दुर्गभ्रमणगाथा - गोनीदां
शाळा - मिलिंद बोकील
आंधळी - शांता शेळके
सर्पगंध - अरुण ताम्हणकर
भारतीय इतिहाससंशोधनातील घोडचुका - पु.ना.ओक
सत्तांतर (भाग १ नाही मिळाला २ व ३ मिळाले) - गोविंद तळवलकर
अग्निकांड - गोविंद तळवलकर
इफ टुमारो कम्स - सिडने शेल्डन - विजय देवधर
डायरी ऑफ अ‍ॅन फ्रँक - मंगला निगुडकर
समिधा - साधना आमटे

४/५ वर्षांपासून माझा चालू असलेला शोध आज अखेर संपला. लक्ष्मीसेतू/गडदेचा बहिरी, तांबडफुटी ही गोनिदांची तसेच श्री. ना. पेंडश्यांची कलंदर ही दुर्मिळ, आउट ऑफ प्रिंट पुस्तके मला बर्‍याच शोधानंतर पुण्याच्या मॅजेस्टिक बुक स्टॉल इथे मिळाली अर्थात पुस्तकांचे मुखपृष्ठ गायब आहे. तरीही पुस्तके चांगल्या स्थितीत असून नवीनच आहेत.
त्याचबरोबर श्रीराम बुक एजन्सी, पुणे इथून सिडने शेल्डन यांची अनुवादीत 'टेल मी युअर ड्रीम्स्', 'द बेस्ट लेड प्लान्स', 'नथिंग लास्ट फोरेव्हर' ही तीन पुस्तके २५% सवलतीसह आणली.

आम्ही तर अजून बालपणातच रमतो आहोत
आजच ज्युलियन व्हर्न यांच्या श्टोर्‍यांचा भागवतांनी केलेल्या अनुवादाचे ३ संच घेतले

ज्ञानेश्वरी वाचायचे कधीपासून मनात होते. पण योग्य माहिती मिळत नव्हती. कदाचित ज्ञानेश्वरी वाचायचा पण योग यावा लागतो असे दिसते. अचानकच मला योग्य माहिती मिळाली आणि पुढील ज्ञानेश्वरीची प्रत घेतली आहे.
(अजून हातात यायची आहे. १-२ दिवसांत मिळेल)
"सार्थ ज्ञानेश्वरी"
आळंदीचे साखरे महाराज यांनी निरुपणासहीत विशद केलेली.
पृष्ठसंख्या ११०० पेक्षा जास्त
किंमत २९०

मामा (सोनोपंत) दांडेकर यांनी संपादीत केलेली ज्ञानेश्वरीची प्रत देखील प्रसिद्ध आहे.याव्यतिरिक्त प्रसाद प्रकाशनची य.गो.जोशी यांचीही सार्थ ज्ञानेश्वरी प्रसिद्ध आहे.

ज्ञानेश्वरी श्रेष्ठच आहे यात वाद नाही. मी घेतलेली प्रत ही समजायला अधिक सोपी आहे म्हणून घेतली आहे :)

या विकांताला
वनवास : प्रकाश नारायण संत
स्मृतीचित्रे: लक्ष्मीबाई टिळक
एका तेलियाने: गिरिष कुबेर

ही पुस्तके विकत घेतली.

यातील नंतरची दोन आधी लायब्ररीतून आणून वाचली आहेत. वनवास माझ्या मामाकडे होते त्याची पारायण केली होती. (थोडं २६ जुलैच्या पावसात व नंतर सतत वाचल्याने) आता ते पुस्तक खराब झालं. :( म्हणून ते विकत घेतलं

आठवले तसे - दुर्गाबाई
जगण्यातील काही - अवचट.

ह्या महिन्याची खरेदी.

घेतली!
१. चंद्रिके गं, सारिके गं,
२. एक एक पान गळावया. -- दोन्ही गौरी देशपांडे.
३. युद्ध जीवांचे. -- गिरिश कुबेर.
४. सोन्याच्या धुराचे ठसके. -- डॉ. उज्जवला द्ळवी.

घेतली!
१. चंद्रिके गं, सारिके गं,
२. एक एक पान गळावया. दोन्ही गौरी देशपांडे.
३. मैत्र जिवांचे. -- गिरिश कुबेर.
४. सोन्याच्या धुराचे ठसके. - डॉ. उज्जवला द्ळवी.

काल घेतलेली -

१. विंचुर्णीचे धडे - गौरी देशपांडे
२. रवींद्रायन - रवींद्र पिंगे ह्यांच्या ललितांचा संग्रह
३. मृत्यूचे महात्म्य - श्री.ठक्कर (की विमलाबाई ठक्कर - पाहून सांगते परत)
४. दुर्गदर्शन - गोनीदा
आणि ५. तत्वमसि - ध्रुव भट - अनुवादित - अंजनी नरवणे

रोचीन, तू घेतलली गौरीची पुस्तकं आहेत गं माझ्याकडे.
दोन्ही मला फार आवडतात. चंद्रिके तर भलतच मस्त आहे!

२ दिवसांपुर्वीच पुण्यातील शशिदीप प्रकाशन येथे गेलो. तिथून सुहास शिरवळकरांची 'दुनियादारी' व ' सुत्रबद्ध' ही एकूण ५०० र. ची पुस्तके ३७५ र. ला घेतली. तसेच नंतर मेहता पब्लिशिंग हाउस येथून उदय भिडे अनुवादित टॉम मार्टीन यांची 'पिरॅमिड' ही रहस्यकादंबरी ५०% सवलतीत विकत घेतली.

शनिवारी "ब्र" आणि "रुचिरा" ही दोन पुस्तके विकत घेतली.
"ब्र" हे मी न वाचता घेतलेले बहुदा पहिले पुस्तक असावे. मागे दिगम्भांनी इथे पुस्तकातील वेचा दिला होता तो वाचला व नंदनचे हे परिक्षणही वाचले. लायब्ररीत खूप बुकिंग आहे ह्या पुस्तकाला! तेव्हा विकतच घेतलं. :)

एका बैठकीत संपवलं आहे.. जरा वेळ लागेल पचायला. अश्या परिस्थितीमुळे (खरंतर उगीच) असाहय वाटणं कमी झालं आणि नंदन पेक्षा वेगळं काहि लिहावसं वाटलं की/तर लिहिनच "ब्र" बद्द्ल

१. भोवरा - इरावती कर्वे
२. बेस्ट ऑफ जयवंत दळवी - संपादित, सुभाष भेंडे - पुस्तकाआरंभी दळवींवर भेंडे ह्यांनी खूप सुरेख ललितपर असं लिहिलेलं आहे, मला तरी आवडलं
३. लवासा - निळू दामले. वाचतेय आणि अनेक प्रश्न मनात उभे राहिलेत. लवासाशी संबधित कोणावरच विश्वास ठेवावा असं वाटत नाही! ना लवासावाल्यांवर, ना पाटकरांवर, ना गावकर्‍यांवर आणि दामल्यांवरही!
४. तलावातील चांदणं - गंगाधर गाडगीळ
५. खमंग - दुर्गाबाई भागवतांनी सांगितलेल्या, एकत्र संकलीत केलेल्या पाककृती. :)
६. क्रौंचवध - खांडेकर.

'लवासा'विषयी चर्चा! क्या बात है!
या पुस्तकावर जरूर लिहा इथं. लवासा हा विषय इथं चर्चिला जावा हे चिन्ह उत्तम. पुस्तकाच्या आधारे चर्चा व्हावी हा सूर तर अत्यंत सकारात्मक आणि गरजेचा. त्यामुळं या पुस्तकाविषयी स्वतंत्र लेखन येथे केलं जावं. चर्चाही करता येईल.